Alþjóðleg mótmæli gegn stríðinu í Írak verða þann 15. mars

Næstkomandi laugardag, 15. mars, kl. 13, verður útifundur á Ingólfstorgi til að mótmæla stríðinu í Írak og krefjast friðar þar og um heim allan.

Þann 20. mars verða liðin fimm ár frá innrás Bandaríkjanna og bandamanna þeirra í Írak með stuðningi íslensku ríkisstjórnarinnar. Mótmælaaðgerðir verða víða um heim á laugardaginn og í næstu viku undir kjörorðinu „Allur heimurinn gegn stríðinu”!

Ávörp:
Hjalti Hugason prófessor
Steinunn Rögnvaldsdóttir nemi

Tónlistarflutningur:
Hörður Torfason

Tökum höndum saman við almenning um allan heim.
Mótmælum stríðinu! 
Krefjumst friðar!
Stríðinu verður að linna!

Látið þetta berast. Segið vinum, vinnufélögum, nágrönnum.
Fjölmennum!

Nánari upplýsingar á Friðarvefnum, www.fridur.is. Fylgist með honum.

Í dag, 13. mars, munu SHA afhenda utanríkisráðherra og utanríkisnefnd tillögur um leiðir til að benda endi á hernámið og stríðið Írak. Þessar tillögur verða birtar innan skamms á Friðarvefnum.

Laugardaginn 15. mars, kl. 14.00, verða svo kaffiveitingar á Múltikúlti, Ingólfsstræti 8. Tilefnið er að 5 ár eru liðin frá innrásinni í Írak og hvetjum við alla til að mæta fyrst, kl. 13.00 og taka þátt í útifundi af því tilefni. 

Athugasemdir

[Theódór Norðkvist, 14.3.2008 kl. 11:30]

Vonandi mæta sem flestir til að mótmæla ráni Bandaríkjamanna á olíulindum Íraks og stríðsglæpum þeirra í landinu, með stuðningi leppa þeirra hér á Íslandi.

[Magnús V. Skúlason, 14.3.2008 kl. 15:07]

Hvernig er hægt að krefjast friðar ef hinn deiluaðilinn hefur ekki áhuga á því?

[Edda Agnarsdóttir, 14.3.2008 kl. 17:16]

Gott hjá þér Hlynur að vekja athygli á þessu.

Munið svo að þetta er alþjóðlegur FRIÐARDAGUR.

[Alfreð Símonarson, 14.3.2008 kl. 17:34]

Flott, ég tel þetta mjög gott framtak að krefjast friðar. Ég styð ykkur heilshugar.

Kær kveðja Alli.

[Gísli Baldvinsson (IP-tala skráð) 14.3.2008 kl. 22:33]

Mæta svo á Bæ bæ Ísland

[Georg P Sveinbjörnsson, 15.3.2008 kl. 02:23]

....klukkan 13:00...eins gott að fara að skríða uppí!