Brandaralistinn

Þessi "hagsældar- og stöðugleikalisti" einhvers bresks fyrirtækis er fullkominn brandari. Best er náttúrulega að mesta hagsældin og stöðugleikinn skuli vera í Páfagarði! Það hlýtur að vera bömmer fyrir okkur að vera miklu neðar á listanum en Bretland, voða hægsæld þar í landi síðast þegar ég vissi. Annars eru smáríki áberandi á þessum vinsældalista eins og Gíbraltar og San Marínó sem eru langt fyrir ofan okkur og Samóa, Falklandseyjar, Guam, Anguilla og Montserrat sem lenda aðeins fyrir neðan okkur. Greinilega best að fjölga smáríkjum til að auka hagsæld og stöðugleika.

Já, já og við erum líka hamingjusömust og best í heimi. Það er einhver fyrirsagnahöfundur á mbl.is sem er í stuði með þessa fyrirsögn "Mikil hagsæld og stöðugleiki á Íslandi".  Þetta er ótrúlega gott.

Mikil hagsæld og stöðugleiki á Íslandi

Athugasemdir

[Hjörtur J. Guðmundsson, 26.3.2008 kl. 14:45]

Nei, þessi úttekt hentar þér sennilega ekki.

[Gísli Baldvinsson (IP-tala skráð) 26.3.2008 kl. 20:43]

Miðað við bloggara, mínus HJG þá líta menn á þetta sem brandara. Stundum er Mbl.is ekki í lagi. Engir linkar eða meiri tilvísanir á forsendur heldur svona bjartsýnisfrétt. Sem betur fer létu bloggarar ekki blekkjast.

[Gísli Baldvinsson (IP-tala skráð) 26.3.2008 kl. 20:48]

Fyrirgefðu aftur. Fann þessa síðu http://jdw.janes.com/public/jdw/index.shtml say no more!

[Gísli Tryggvason, 27.3.2008 kl. 00:04]

Áhugavert væri að vita hvort hagsmunir neytenda væru mældir í þessari athugun og hvernig; skuldbindingar neytenda liggja nefnilega stöðugt upp á við í krafti verðtryggingar.