Persepolis í Amnesty-bíói

Kvikmyndin Persepolis eftir Vincent Parronaud og Marjane Satrapi verður sýnd í Amnesty-bíó þriðjudaginn 20. maí kl. 20.00 í Hinu húsinu (Gamla pósthúsið á horni Austurstrætis og Pósthússtrætis).

Myndin er byggð á samnefndri myndasögu eftir Marjane Satrapi þar sem höfundur bregður upp eftirminnilegri mynd af uppvaxtarárum ungrar stúlku á tímum íslömsku byltingarinnar í Íran.

Eftir myndina verða umræður um stöðu kvenna í Íran og ný skýrsla Amnesty International um grýtingar kvenna kynnt. Einnig verður fólki gefinn kostur á að skrifa undir aðgerðabeiðni til stjórnvalda í Íran vegna grýtinga á konum.

Myndin er á ensku með íslenskum texta.

Aðgangur er ókeypis og allir velkomnir.

Athugasemdir

[Anna Karlsdóttir, 19.5.2008 kl. 20:59]

Sæll Hlynur

 Mikið er ergilegt að vera ekki á landinu til að sjá þessa forvitnilegu mynd.

[Gunnar Páll Gunnarsson, 19.5.2008 kl. 21:08]

Steina á afmæli á morgun (þriðjudag) fædd 20. 05. 1960. Láttu það ganga.

Gunni Palli kokkur.

[Kristján Sigurður Kristjánsson, 20.5.2008 kl. 02:04]

Ég vona að síðuhöfundur sé ekki í Ammesty. Það á að banna félögum í stjórnmálahreyfingu aðild að Ammesty.

[Jesús Kristur (IP-tala skráð) 20.5.2008 kl. 10:20]

Þessi mynd er algerlega frábær. Það ætti að skylda fólk á borð við Magnús Þór Hafsteinsson til að horfa á hana. Gæti kannski lært eitthvað...opnað hugann oggupons.

[Valgerður Sigurðardóttir, 20.5.2008 kl. 10:45]

Hef ekki séð myndina en á myndasögurnar og það tekur á að lesa hana og átta sig á lúxusnum sem við lifum við. Þetta ætti í raun að vera skyldulesning og ég veit að ég verð að drífa mig að sjá myndina.

Innlitskvitt

[Hlynur Hallsson, 20.5.2008 kl. 11:48]

Já, leitt að missa af þessari mynd. En af hverju í ósköpunam ætti að banna fólki í stjórnmálahreyfingum að vera í Amnesty, Kristján? Það væri gott ef sem flestir væru í Amnesty International. Bestu kveðjur,

[Vésteinn Valgarðsson, 20.5.2008 kl. 16:00]

Þetta bíó líst mér á!

[Kristján Sigurður Kristjánsson, 20.5.2008 kl. 16:28]

Kvalarar sem Amesty hefur afskipti af eru undantekningalaust meðlimir í stjórnmálahreifingu. Í 99,999% tilvika ganga stjórnmálamenn í Ammesty til að láta mynda sig á aðalfundinum og eru óðara roknir á hæla ljósmyndurunum. Stjórnmálamenn leita valda hvað sem það kostar.

[Hlynur Hallsson, 21.5.2008 kl. 19:56]

Það getur vel verið að sumir stjórnmálamenn leiti valda hvað sem það kostar en sem betur fer hef ég ekki séð margar myndir af stjórnmálamönnum á aðalfundum hjá Amnesty.

Mér finnst þú setja alla sem koma nálægt stjórnmálum undir sama hatt og það er ekki mjög sanngjarnt Kristján. Þessi prósentutala er einnig út í hött. Allir sem brjóta hinsvegar mannréttindi eiga ekki að komast upp með það og það er baráttumál Amnesty.

Bestu kveðjur,