Verðlaunum ísbjörninn

Mér finnst að það eigi að verðlauna þennan ísbjörn. Hann hefur ekki gert neinum mein svo best er að gefa honum eitthvað af þessu hvalkjöti sem enginn vill éta áður en það rotnar. Svo á að senda hann aftur til Grænlands þar sem hann mun hafa það betra en hér. Til dæmis í heiðursfylgd á varðskipi. Alls ekki að skjóta björninn. Hann er búinn að synda yfir hafið. Þetta er dugnaðarforkur, sem ætti að verðlauna.

Ísbjörn við Þverárfjall

Athugasemdir

[Hlynur Hallsson, 3.6.2008 kl. 11:03]

Ég held að hann hafi nú synt smáspöl líka:)

[Edda Agnarsdóttir, 3.6.2008 kl. 12:12]

Þeir voru gljótir að slátra honum greyinu! Ótrúlegt.

[Helgi Vilberg, 3.6.2008 kl. 12:17]

Umhverfisráðherra gat ekki annað en gefið út aftökuskipun, vegna þess að engar verklagsreglur eru fyrir hendi. Er það ekki illt til afspurnar fyrir Íslendinga að fella dýr sem eru í útrýmingarhættu?

[Hlynur Hallsson, 3.6.2008 kl. 12:22]

Já, þetta endaði ekki vel. Mér finnst líka einkennilegt að það séu ekki til deyfilyf á landinu eins og Þórunn sagði. Það þarf að gera ráðstafnair til að hægt verði að koma í veg fyrir svona slys. Ég er ekki viss um að það hafi verið nauðsynlegt að skjóta hann. Bestu kveðjur,

[Úrsúla Jünemann, 3.6.2008 kl. 15:23]

Þetta er nú ekki í fyrsta skipti sem ísbjörn lætur sjá sig hér á landi. En alltaf er sama saga: ekkert annað ráð til  en að skjóta greyið. Af hverju er ekki deyfilyf til? Hneyksli!

[Jórunn Sigurbergsdóttir , 3.6.2008 kl. 19:27]

það kom nú fram í fréttum að þeir gætu synt langt. Greyið, það voru þá örlög sem biðu hans hér.

[Gunnar Páll Gunnarsson, 3.6.2008 kl. 19:59]

Það hefði kannski frekar átt að svæfa hann og fljúga með hann til Grænlands.  Fá RUV og  fleiri til að kvikmynda góðverkið svo að heimurinn fengi að vita að það búa fleiri en veiðimenn og bissnesskallar á Íslandi. Við hefðum kannski lúkkað betur útávið  og ekki veitir okkur af , vegna hvalasölunnar til Japans.

[Gunnar Páll Gunnarsson, 3.6.2008 kl. 20:02]

......og svo er Ísbjörninn hættulegasta rándýr jarðarinnar, las ég einhversstaðar um niðurstöður rannsókna á rándýrum. Það var allavega rétt að fá hann burt, þó að um aðferðina getum við alltaf rætt (og þrætt)

Gunni Palli kokkur.

[Jóhannes Ragnarsson, 3.6.2008 kl. 20:22]

Það er nú víst ekki alveg rétt hjá þér Hlynur, að enginn vilji éta hvalkjöt. Það er meira að segja fjölmargt fólk á Íslandi sem borðar hvalkjöt og þykir það gott.

Það er alveg sjálfsagt að íslendingar veiði eitthvað af hvölum, bæði hrefnu og stórhvelum, á hverju ári. Það skaðar náttúruna ekki neitt, nema síður sé.

[Þuríður Björg Þorgrímsdóttir, 4.6.2008 kl. 00:12]

Vissulega vilja margir borða hvalkjöt, en birgðirnar eru mörg tonn. Við verðum ansi lengi að klára það. Það sama er uppi á teningnum í Japan. Annars var víst til deyfilyf á landinu og meira að segja maður sem er sérfræðingur í að deyfa stór rándýr. En eitthvað klikkaði í samskiptunum og hann vissi ekki neitt fyrr en dýrið var fallið. Eða svo sagði hann.