Frábært að fá Möggu Blöndal í verkið

Ég vil óska Akureyringum til hamingju með að Margrét Blöndal hafi tekið að sér að stýra undirbúningi að hátíðarhöldum á Akureyri um verslunarmannahelgina. Ég er viss um að hún komi með annan brag og viðhorf til hátíðarinnar. "Markmiðið er að bjóða upp á ljúfa og skemmtilega hátíð og tengja hana sögu og bæjarbrag á Akureyri í ríkari mæli en verið hefur." Þetta er einmitt málið! Magga Blöndal gerir þetta með bros á vör og við getum orðið stolt af bænum okkar.

Margrét Blöndal stýrir verslunarmannahelginni á Akureyri

Athugasemdir

[Svavar Alfreð Jónsson, 26.6.2008 kl. 10:08]

Amen.

[Kolbrún Baldursdóttir, 26.6.2008 kl. 11:26]

Margrét Blöndal og Ómar Bragi Stefánsson hjá UMFÍ verða viðmælendur mínir í þættinum Í Nærveru Sálará ÍNN 26. júní.
Við ræðum útihátíðir og málefni þeim tengdum.

[Hrafnhildur Ýr Vilbertsdóttir, 26.6.2008 kl. 11:27]

Ég ætla rétt að vona að þetta verði til þess að hátíðin breytist....er komiin með upp í kok af vitleysunni og fillerýinu sem er um versló og á bíladögum.

[Oddur Helgi Halldórsson, 26.6.2008 kl. 16:37]

Ég er nú einn af þeim sem hef séð fleiri plúsa en mínusa (þótt að sjálfsögðu einn mínus sé einum mínus of mikið) við þessar hátíðir.
Ég er sannfærður um að Margrét leysir þetta verkefni með miklum og góðum sóma og geri ekki ráð fyrir öðru en að vankantar hátíðarinnar verði í lágmarki. Með samstilltu átaki allra sem að koma, ekki síst gesta vona ég og veit að Margrét mun stýra þessu svo vel fari.

[Edda Agnarsdóttir, 26.6.2008 kl. 18:33]

Sammála þér!

[Óskar Aðalgeir Óskarsson, 26.6.2008 kl. 19:46]

Fyrirgefðu Hlynur minn, að ég noti bloggsíðuna þína til að svara Oddi.Plúsarnir við þessar hátíðir eru fyrst og fremst fyrir þá,sem selja vörur og þjónustu.Þeir plokka peninga af ungmennum sem eru oftar en ekki í annarlegu ástandi.Mínusana ber hinsvegar hinn almenni bæjarbúi,sem þarf að þola endalaust ónæði,svefnleysi,skemmdarverk o.fl.En ég er viss um að Magga leysir þetta verkefni með glæsibrag.

[Anna Ólafsdóttir Björnsson, 26.6.2008 kl. 23:19]

Samgleðst ykkur að fá svona kjarnakonu eins og Möggu í þetta vandasama verkefni, hún er einfaldlega æðisleg.

[Magnús Geir Guðmundsson, 28.6.2008 kl. 02:03]

Margrét er já ágæt, ekki vantar það nú! En ekki frekar en minn gamli kennari og vinnuveitandi,Bragi V. Bergmann, mun hún engu ráða um hvernig fer eða hvort eitthvað bjáti á ef og þegar 10000 gestir + mæta í bæinn!Því ræður einfaldlega ekki einn yfirmaður og það þótt hann sé eins og í þessu tilfelli kjarnorkukona!

Bara óhjákvæmilegt held ég að eitthvað komi upp á þegar svo mikill mannfjöldi safnast saman á stuttum tíma og það þótt ekki væri svo stór sem raun ber vitni í bænum sl. árin.Annað hvort stöndum við fyrir slíkum viðburði um Verslunarmannahelgina og reynum til hins ítrasta að halda sem best í horfinu varðandi gæslu og aga, eða einfaldlega segjum stopp og hættum þessu!