Fullkomin uppgjöf fyrir Gordon Brown

Þetta "samkomulag" lítur út sem fullkomin uppgjöf en ekki samkomulag! Hafa þau umboð þjóðarinnar til að semja svona af sér? Ég efast um það. Við og börnin okkar eigum svo að borga reikninginn fyrir Geir, Davíð og Sollu!

Davíð og Árni Matt tala af sér, Björgvin G. gerir ekkert nema að segja að allt sé í góðu lagi á milli þess sem hann mærir Gordon Brown. Og Geir Haarde gerir illt verra. Ingibjörg Sólrún horfir á og kinkar kolli. Hvað er í gangi hjá þessu liði? Sjálfstæðisflokkurinn enn við völd er í boði Samfylkingarinnar. Takk fyrir það eða þannig!

Icesave-deilan leyst

Athugasemdir

[Jón Þór Benediktsson, 16.11.2008 kl. 18:38]

En duga ekki eignir Landsbankans fyrir þessu að mestu ef ekki öllu leyti. Deilan var meira um túlkunaratriði á samningnum um EES. Icesave reikningarnir sem slíkir eru ekki að leggjast á okkur og börnin okkar heldur þessar ofurlántökur sem ríkið er að taka til að halda gjaldeyrinum og bönkunum gangandi.

[Jón Ingi Cæsarsson, 16.11.2008 kl. 18:54]

Ef allir eru svona miklir aular Hallur... af hverju ferðu þá ekki og hjálpar til.... þá rís þetta með ógnarhraða eins og Hafnarstræti 98

[Hlynur Hallsson, 16.11.2008 kl. 19:00]

Þessi "lausn" á Icesavedeilunni er einmitt bara upphafið á ruglinu Jón Þór.

Jón Ingi C. "blammerar" svo enn og aftur sjálfan sig og aðra. Pabbi er örugglega til í að hjálpa og einnig ég (Hlynur:)

Bestu baráttukveðjur,

[Jón Ingi Cæsarsson, 16.11.2008 kl. 19:08]

Auli er ég.... man ekki einu sinni hvað þú heitir.... ,,, en ég skal taka mig á.

[Hlynur Hallsson, 16.11.2008 kl. 21:06]

Tja, ekki kallaði ég ÞIG aula en ég kalla þig ekki heldur Cæsar!)

Bestu kveðjur,

[Jórunn Sigurbergsdóttir , 16.11.2008 kl. 22:57]

Rétt Hallur. Hafa þau umboð okkar?

[Rúnar Haukur Ingimarsson, 16.11.2008 kl. 22:59]

Nú þarf að hreinsa til:

Burt með seðlabankatoppana 

Burt með ríkisstjórnina

Burt með toppa í fjármálaeftirlitinu

Burt með bankatoppana í nýju bönkunum

Getum svo eignir "fjárglæframannanna" upptækar og notum þær upp í skuldir 

Fáum sérfræðinga að utan til að aðstoða við stjórnina á þjóðarskútunni, til að rannsaka aðdraganda hruns bankana og látum þá sæta ábyrgð sem fengu til þess laun að bera ábyrgð 

[Guðrún Magnea Helgadóttir, 17.11.2008 kl. 09:52]

Saell Hallur.

Hvenaer a ad reka rikisstjornina?

Aetlid tid heima ad maeta a Austurvoll a hverri helgi og adhafast ekkert?

Vitid tid ekki af fenginni aratuga-reynslu ad enginn er tilbuinn ad segja af ser, saetin vid kjotkatlana eru mjuk og vonin um ad komast a einstaklega rifleg eftirlaun, tess virdi ad sitja afram tratt fyrir motmaeli landans...Og mistokin halda afram........

[Jón Steinar Ragnarsson, 17.11.2008 kl. 10:59]

Á meðan er aðhaldiðog lýðræðisvaktin í felum á bakvið merkingalausa skriffinnskufroðu. Þeir sem eru trygging okkar fyrir lýðræði eru lyddur og hryggleysingjar og ekki einn maður hæfur til trausts.

Þetta er það sem þingið er að dunda mitt í öllu þessu.

Fyrir vikið lifum við við fasískt einræði.

[Hlynur Hallsson, 17.11.2008 kl. 12:08]

Steingrímur hefur barist gegn þessu rugli í mörg ár og varað við afleiðingunum. Höfum það á hreinu Björn!

Bestu kveðjur,

[Einar Þór Strand, 17.11.2008 kl. 13:04]

Hlynur minn það vantar á myndina fulltrúa frá Frjálslyndum og Vinstri Grænum ekki gleyma ykkur þið eigið líka mikla sök.