Afnema eftirlaunalögin strax!

Þessum eftirlaunalögum var þröngvað í gengum þingið að skipun Davíðs Oddssonar á sínum tíma. Og Framsókn var með. Nú er tækifæri fyrir forseta þingsins að taka frumvarp þingmanna Vinstrihreyfingarinnar græns framboðs fyrir og eins og Ögmundur bendir réttilega á: „Við getum náð þessu fyrir hádegi á fimmtudag, ef það er vilji til þess".

Þetta er ekki flókið þó að þetta velkist fyrir Samfylkingunni og sennilega er stór hluti þingmanna Sjálfstæðisflokksins enn á því að sérréttindi eigi að gilda fyrir ráðherra og þingmenn. En nú er tími til að greiða atkvæði um málið og afnema þessi ólög strax.

Má strax afnema eftirlaunalög

Athugasemdir

[Húnbogi Valsson (IP-tala skráð) 19.11.2008 kl. 15:17]

Núna þarf ríkið að fara að skera niður, draga saman í útgjöldum. Þá er málið augljóst. Þarna er hægt að spara nokkuð margar milljónir á ári. Svo ekki sé talað um fordæmisgildið.

[Guðmundur Ragnar Björnsson, 19.11.2008 kl. 16:23]

Það má ekki gleyma þeim sem að sátu hjá við atkvæðagreiðsluna. Það að sitja hjá er það sama og að samþykkja. 

Sátu hjá:

Ásgeir Friðgeirsson, Björgvin G. Sigurðsson, Bryndís Hlöðversdóttir, Einar Már Sigurðarson, Guðrún Ögmundsdóttir, Jóhann Ársælsson, Jón Gunnarsson, Kristján L. Möller, Margrét Frímannsdóttir, Rannveig Guðmundsdóttir, Þuríður Backman

Þarna liggur kanski vandi Samfylkingarinnar að hún er fylgjandi lögunum. amk að hluta til.

[Rúnar Haukur Ingimarsson, 19.11.2008 kl. 20:57]

Þetta á ekki að vera flókið, þarf ekkert að hugsa um hvort einhver lög séu brotin. Búið að gefa fordæmi með neyðarlögunum og þetta gertur bara verið viðauki við þau.

[Jenný Anna Baldursdóttir, 19.11.2008 kl. 22:01]

Heyr, heyr.

[Haukur Nikulásson, 20.11.2008 kl. 08:59]

Lögin voru sett 2003 - Það eru kominn 5 ár á þennan ósóma. Þingmenn ætla að hanga á þessu undir drep. Það er til vinsælda fallið að tala um þetta en borgar sig samt ekki að gera neitt í þessu máli. Þetta lið lækkar ekki launin sín svona auðveldlega.