Réttur maður í rétt starf

Það er afar ánægjulegt að Ögmundur Jónasson verði heilbrigðisráðherra. Hann er augljóslega besti kosturinn. Umskiptin í þessu mikilvæga ráðuneyti hefðu sennilega ekki getað orðið meiri, frá Guðlaugi Þór niðurskurðar- og einkavinavæðingarráðherra til ráðherra velferðar og heilbrigðrar skinsemi.

Til hamingju Ögmundur og til hamingju Ísland!

Ögmundur verður ráðherra

Athugasemdir

[Runólfur Þórhallsson (IP-tala skráð) 30.1.2009 kl. 13:36]

Já til hamingju Ísland söng Sylvía og við vitum hvernig það fór. Hráki og tár. Það sama mun verða með Ögmund. Það lítur vel út í dag en byltingin mun éta börnin sín eins og alltaf.

[Birgitta Jónsdóttir, 30.1.2009 kl. 13:40]

ég treysti Ögmundi fullkomnlega til að halda áfram að vinna að heilindum eins og hann hefur alla tíð gert. mjög sátt við hann í ráðherrastól.

[Hlynur Hallsson, 30.1.2009 kl. 13:42]

Neikvæðir nöldrara auðvitað mættir:)

Hresstu þig nú við Runólfur. Það er sól hérna á Akureyri og framtíðin er björt þrátt fyrir klúður og þjóðargjaldþrot Sjálfstæðisflokksins!

Bestu baráttukveðjur,

[Gísli Baldvinsson (IP-tala skráð) 30.1.2009 kl. 14:08]

Það skín sól úr Lárusarhúsi. Samstarfskv. gb

[Húnbogi Valsson (IP-tala skráð) 30.1.2009 kl. 14:21]

Það hefði verið skemmtilegra að fá hann sem fjármálaráðherra. Svona til að stríða heimdellingum.

Starf heilbrigðisráðherra er erfitt þessa dagana og ekki vænlegt til vinsælda. Það eru örugglega takmörk fyrir því hvað hann getur tekið mikið til baka af niðurskurði Guðlaugs, vegna fjárskorts. Það er þó ánægjulegt að fá mann í þetta starf sem er líklegur til að loka á allar einkavæðingarhugmyndir.

Kveðja úr sólinni.

[Sveinbjörn Kristjánsson, 30.1.2009 kl. 16:49]

Sæll

Þú vilt þá væntanlega Bjarna Ármanns í viðskiptaráðuneyti svo allir geti setið allan hringinn í kring um borðið. Og skv þessu viltu enga breytingu á kerfinu og telur það fínt eins það er. Ekki satt?

Kv.

Sveinbjörn

[Lilja Guðrún Þorvaldsdóttir, 30.1.2009 kl. 18:44]

Þetta er eiginlega of gott til að vera satt. - En mikið yrði ég glöð ef okkur auðnaðist að fá Ögmund í stól heilbrigðisráðherra. - Þegar það hefur verið gert opinbert og hann er formlega tekin við,  þá mun ég fagna "margfalt".  Fyrr þori ég ekki að fagna því ég treysti ekki "Framsóknarflokknum".

[Res (IP-tala skráð) 31.1.2009 kl. 11:37]

Ég hef verið vinstri maður frá því að ég mann eftir mér,,nú er kominn sá tími að vinstri öflin verða að standa í lappirnar og vera samstíga í aðgerðum,,okkar tími er vonandi kominn núna...k.v

[Rúnar Haukur Ingimarsson, 31.1.2009 kl. 12:56]

Hann er ekki öfundsverður að djobbinu, það er augljóst að nú þarf ennþá meira að draga úr útgjöldum ríkisins og ef rétt er farið með tilvitnanir í þá sem ætla að skipa verðandi stjórn, þá má hvergi draga úr útgjöldum. Hvað á þá að gera ? Hækka skattana er þá hin leiðin, sem varla er hægt því við erum nú þegar skattpínd - þanngi að ef ekki má draga mikið úr útgjöldum ríkisins þá er kanski leiðin hans Davíðs best, sleppa því að borga erlendar skuldir okkar ?

[Svanur Sigurbjörnsson, 2.2.2009 kl. 19:48]

Til hamingju sömuleiðis Hlynur!

Frábært að hann skyldi taka út sjúkrahúsgjaldið strax sem Guðlaugur Þór setti á sjúklinga nú um áramótin.  Ef við þurfum að greiða fyrir heilbrigðisþjónustuna þegar við erum veikust, þá er fokið í flest skjól varðandi þá samtryggingu sem velferðarkerfið á að veita öllum, ekki síst þeim sem veikir og efnalitlir eru.