Til hamingju Kristján Guðmundsson

Það eru gleðitíðindi að Kristján Guðmundsson hljóti Carnegie verðlaunin í ár. Hann er framúrskarandi myndlistarmaður og á þau svo sannarlega skilin. Það var líka ef til vil kominn tími til að íslendingur hlyti aðalverðlaunin. Það er hægt að sjá verk Kristjáns núna á sýningu í Listasafni Íslands. Hann var líka einn listamannanna sem tók þátt í opnunarsýningu Verksmiðjunnar á Hjalteyri síðasta sumar og býr hann að hluta til enn á Hjalteyri. Skemmtilegt að hugmyndalistamaður hljóti þessi verðlaun sem eiginlega eru kennd við málverk en sem betur fer hafa dómnefndirnar verið afar víðsýnar hvað það varðar þegar kemur að því að velja verðlaunahafa. Til hamingju Kristján.

Kristján fær Carnegie verðlaunin

Athugasemdir

[Árni Gunnarsson, 26.5.2009 kl. 12:16]

Tek undir hamingjuóskir. Það tók Kristján lengri tíma að fá alþjóðlegar viðurkenningar en Sigurð bróður hans. En Kristján er latur að eigin sögn og hefur ekki áhyggjur að ráði af stöðu sinni í lífsgæðakapphlaupinu. Mér varð það oft á að brosa þegar ég mætti þeim bræðrum frændum mínum akandi á götum Reykjavíkur. Fram til þessa óku þeir báðir á gömlum Lödu sport jeppum hvítum að grunnlit en alvarlega "skreyttum" með ryðblettum.  

[Húnbogi Valsson (IP-tala skráð) 26.5.2009 kl. 20:52]

Að segja svo að listamenn skapi ekki tekjur? Góð hvatning fyrir aðra.

[Karl Tómasson, 29.5.2009 kl. 19:36]

Kristján er magnaður.

Bestu kveðjur úr Mosó kæri vinur frá Kalla Tomm.