Hvað varð um prentfrelsið?

 

Í nýlegri könnun einhverra frábærra alþjóðlegra samtaka varð niðurstaðan sú að frelsi fjölmiðla væri óvíða meira en einmitt hér á Ísalandi! Það er auðvitað alltaf skilgreiningaratriði hvernig þetta "frelsi" er svo metið. Oft hefur til dæmis verið bent á það að ákveðnir forsætisráðherrar hefðu suma fjölmiðla í vasanum. Sigurjón M. Egilsson flokkast ekki undir þá sem leggjast flatir fyrir valdinu og fyrir það á hann nú að gjalda. Og hvað er málið! Á að banna honum að starfa við fjölmiðla, jafnvel sem sjálfboðaliði næsti sjö mánuðina? Erum við stödd í Kazakstan? Eða kannski Hvíta-Rússlandi? Þetta er einum of ótrúlegt til að gera verið satt. Samt hlustaði ég á útvarpsfréttirnar áðan og þar var þessu hótað. Sigurjón hefur þorað að segja frá þegar aðrir þegja og t.d. bent á ofurvald ráðherranna aftur og aftur. Og nú upplýsir hann okkur um óþolandi tengsl auglýsenda og blaðamanna. Auglýsingadeildin liggur á blaðamönnum til að fá umfjöllun um eitthvert drasl.
Sigurjón sem hefur sett Blaðið rækilega á kortið sem almennilegt dagblað segir frá því að Kristinn nokkur Björnsson hafi ekki verið kátur þegar Sigurjón var ráðinn ritstjóri Blaðsins. Og það er gott að hafa KB á móti sér, það vita allir. Það er hætt við því að íslenskur fjölmiðlamarkaður verði enn einsleitari eftir að búið er að setja Sigurjón M. í bönd. Sjálfstæðisflokkurinn lætur ekki að sér hæða.

Líklegt að farið verði fram á lögbann á störf Sigurjóns á öðrum fjölmiðlum

Athugasemdir

[egill (IP-tala skráð) 15.12.2006 kl. 22:47]

Þetta þekkist reyndar í fleiri fögum. Það er ekkert óeðlilegt að í ráðningarsamningum séu ákvæði sem tryggja það að menn geti ekki sagt upp og labbað beint inn til samkeppnisaðila.

Sigurjón skrifaði undir samning með þessu ákvæði eftir því sem hefur komið fram en hefur verið að reyna að komast í störf hjá samkeppnisaðilum á sama tíma og hann hefur verið að starfa fyrir Blaðið. Það er ekki heiðarlegt.