Blóðugur sunnudagur á hverjum degi

Ég horfð iá endursýningu á "Bloody Bunday" í Sjónvarpinu í gær. Myndin lýsir atburðunum þagar breskir sérsveitarmenn drepa 13 óbreytta borgara í Derry á Norður-Írlandi árið 1972. Þetta er óhugnanleg mynd en það óhugnanlegasta er að enn þann dag í dag er þessi blóðugi sunnudagur endurtekinn og það á hverjum degi suður í Palestínu. Þetta ætlar engan endi að taka. Ísraelskir hermenn drepa unglinga sem eru að kasta grjóti í átt að hermönnunum. Og svo er sagt að grjótið hafi verið naglasprengjur eða handsprengjur. Að vísu hafi engann hermann sakað en þeir hafi skotið til baka og drepið árásarmennina. Það hafa 5612 verið drepnir frá því átök hófust á ný milli Palestínumanna og Ísraela í september árið 2000. Íslensk stjórnvöld horfa aðgerðarlaus á því annað myndi ekki þóknast Bandaríkjastjórn sem er með bundið fyrir bæði augu í þessu máli eins og svo mörgum öðrum. Hin Norðurlöndin hafa þó beitt sér, en ekki við Íslendingar.

Palestínskur unglingur lést í átökum við ísraelska hermenn

Athugasemdir

[Sveinn Arnarsson, 16.12.2006 kl. 13:32]

Ég fór á þessa mynd á breskum bíódögum sem haldnir voru í háskólabíói fyrir nokkrum árum. Hún sló mannn allrækilega. Í kjaftfullum sal stóð enginn upp þegar "kredit-listinn" fór að rúlla. Lag U2, "bloody sunday" byrjaði og þögnin var algjör i salnum. 

[Gestur Halldórsson, 16.12.2006 kl. 15:50]

Ég horfði á þessa mynd í gærkvöldi, og er þetta í þriðja sinn sem ég sé hana. Ég hrylli við í hvert skipti sem ég sé hana, en það óhugnanlegasta er að fólk skuli trúa á sakleysi og friðsemd palestínu-araba og að umbreyta grjóti í bómullarhnoðra sem grýtt er í glerhýsi er óhugnanlegra, þegar staðreyndin er önnur.