Framsókn lækkar í 11% og Vinstri græn í 29%

Það hafa 216 svarað hinn afar skemmtilegu skoðanakönnun á síðunni minni. 73 hafa semsagt bæst við á einni viku og könnunin er alveg að verða mjög marktæk! Þetta  er þó aðeins um 10% þeirra sem fara á síðuna, hinir taka ekki þátt. Nokkrar breytingar hafa orðið á fylgi flokkanna og þær helstu eru að kjósendum Samfylkingarinnar sem lesa síðuna mína og taka þátt í könnuninni hefur fjölgað aðeins eða um 2 prósentustig, samt aðeins í tæp 10% og Sjálfstæðisflokkurinn fer upp um eitt prósentustig í næstum 41% og það sama má segja um Frjálslynda sem fara í 3% en Framsókn lækkar í aðdraganda 90 ára afmælis um tvö prósentustig í 11% og þeim sem ætla að kjósa Vinstri græn fækkar einnig en ekki eins mikið og fara í 29% sem er jú ennþá ansi gott.
Og fyrst að fólk hefur tekið svona vel við sér að svara þá er best að hafa þessa könnun í gangi áfram og spurningin er einföld: Hvaða flokk ætlar þú að kjósa í vor? Og staðan núna er þá þannig:
Framsókn úr 13% í 11%
Sjálfstæðisflokkur úr 40% í 41%
Frjálslyndir úr 2% í 3%
Samfylkingin úr 8% í 10%
Vinstri græn úr 30% í 29%
Annað 0%
Skila auðu úr 2% í 3%
Vita ekki enn úr 5% í 4%

Það hafa svo heldur færri eða 64 svarað nýju spurningunni um afstöðuna til fleiri álversbygginga og stækkana en staðan þar er nokkurð afdráttarlaus: 63% segja nóg komið af stækkunum og nýjum álverum, 28% vilja stækka og fjölga en 9% eru ekki viss.

Og af því að allir hafa svo gaman að svona könnunum þá bæti ég enn einni við og hvet alla til að taka þátt í henni. Spurningin er: Á að taka Ísland af lista hinna viljugu ríkja? Svarmöguleikarnir eru svo hérna uppi í horninu.

Enginn með allar tölur réttar

Athugasemdir

[Jón Valur Jensson, 17.12.2006 kl. 01:37]

Ekki er nú Frjálslyndi flokkurinn vinsæll meðal lesenda þinna, svo mikið er víst. Og Rauðgrænir þrefalt vinsælli en nýkratarnir -- merkilegt!