Friðsamleg mótmæli á Akureyri

Reiði fólks er að aukast og það er ekki einkennilegt þegar ráðamenn ljúga að okkur á hverjum degi og alltaf er að koma betur og betur í ljós á þeir vissu mun meira og fyrr en þeir sögðu. Það er skandall að Geir H. Haarde, einn aðal brennuvargurinn, skuli enn sitja sem forsætisráðherra og gera illt verra á hverjum degi. Hann og Davíð Oddsson sitja í skjóli Samfylkingarinnar sem getur átt það við sína samvisku sem ég vona að enn sé til staðar hjá sumum þar innanbúðar.

Ég mæli ekki með skemmdarverkum eða ofbeldi en hvet fólk til að mæta og mótmæla friðsamlega. Hér er tilkynning um mótmæli sem fara fram hér á Akureyri laugardag, á sama tíma og mótmæli í höfuðborginni:

 

Göngum til lýðræðis á Akureyri

Laugardaginn 15. nóvember kl. 15.00 verður farin samstöðuganga á Akureyri vegna efnahagsástandsins í landinu frá Samkomuhúsinu inn á Ráðhústorg. Tilgangurinn með göngunni er að bæjarbúar sýni samstöðu og samhug, láti í ljós skoðun sína á ástandinu og láti rödd sína heyrast. Talsmenn göngunnar leggja áherslu á að hér sé um óflokkspólitíska uppákomu að ræða, aðeins andsvar við því hvernig komið er fyrir íslensku samfélagi og áskorun um að hafist verði handa við að byggja upp nýtt samfélag þar sem mannauður verði í fyrirrúmi. Einnig er verið að sýna samstöðu með friðsælum mótmælum sem haldin verða á sama tíma í Reykjavík.
 
Látið boðin berast!

Nánari upplýsingar veitir Guðrún Þórs í síma 663 2949

Máluðu Valhöll rauða í nótt

Ný vefmiðill væntanlegur

Það eru góðar fréttir að Björg Eva Erlendsdóttir sé orðinn ritstýra á nýjum vefmiðli. Hún hefur staðið sig afar vel hjá útvarpinu og 24 stundum og er ein okkar besta fréttakona, gagnrýnin og með fagmennsku í fyrirrúmi. Það veitir heldur ekki af að fá nýjan miðil sem bendir á lausnir og tillögur um breytingar á þessum tímum og veitir aðhald. Ég vænti mikils af þessum nýja vefmiðli sem vonandi fer á netið sem fyrst.

Svo eru allir velkomnir á opnunina mína í Hafnarhúsinu í dag, fimmtudag klukkan 17 eða þá bara að koma seinna ef það hentar betur. Það er alltaf ókeypis í Listasafn Reykjavíkur. Hér er hægt að lesa meira um sýninguna og hér er síða Listasafnsins.

Smuga á leiðinni

Þorsteinn Gíslason opnar sýninguna "Virði - Worth" á Café Karólínu

Þorsteinn Gíslason

Virði - Wort

01.11.08 - 05.12.08   
 

Café Karólína // Kaupvangsstræti 23 // IS 600 Akureyri // 4612755

 

Þorsteinn Gíslason opnar sýninguna "Virði - Worth" á Café Karólínu laugardaginn 1. nóvember 2008 klukkan 14.

Um verkið: Verkið ”Virði” er klisjuverk. Leiðinlegt og óspennandi en í leiðinlegheitum sínum spyr það okkur um mikilvægi hlutanna. Hvað má glatast? Hvað ekki?

Um listamanninn: Þorsteinn Gíslason, Steini, útskrifaðist frá fagurlistadeild Myndlistaskólans á Akureyri vorið 2006. Hann hefur tekið þátt í samsýningum og haldið nokkrar einkasýningar. Hann er annar eigandi gallerís Víð8ttu601.

Sýningin stendur til 5. desember 2008.
Nánari upplýsingar veitir Þorsteinn í [e-mail] og í síma 846 1314

Næstu sýningar á Café Karólínu:
06.12.08 - 02.01.09    Jóna Bergdal Jakobsdóttir
03.01.09 - 06.02.09    Herdís Björk Þórðardóttir
07.03.09 - 03.04.09    Inga Björk Harðardóttir
04.04.09 - 01.05.09    Helga Sigríður Valdemarsdóttir
02.05.09 - 05.06.09    Hertha Richardt
06.06.09 - 03.07.09    Georg Óskar Manúelsson
04.07.09 - 31.07.09    Lind Völundardóttir

Umsjónarmaður sýninganna er Hlynur Hallsson

Þjóðin hefur ekki efni á Sjálfstæðisflokknum

Það er fullkomin hræsni að fulltrúar flokksins sem er búinn að draga þjóðina með sér ofan í skuldafen og gjaldþrot skuli koma með einhverjar "ráðleggingar" um hvað beri að gera til að "koma þessu í lag". Forystumenn Sjálfstæðisflokksins eru búnir að kasta okkur aftur um 40 ár of "lausnirnar" sem þeir bjóða svo uppá eru: að sleppa umverfismati, stækka álverin og byggja fleiri, virkja meira án þess að fram fari umhverfismat!

Og þeir eru ekki að djóka þessir karlar frá þarsíðustu öld. Þeir koma upp um fávisku sína og þröngsýni á ræðupöllum Alþingis og tala um að þjóðin hafi ekki efni á því að þingið "sé að flækjast fyrir" því að mengað verði meira og ekkert hugsað um náttúruna og framtíðina. Málið er að þessir karlar ættu að hafa vit á því að þegja og skammast sín fyrir sína gjaldþrota frjálshyggjustefnu. En það gera þeir auðvitað ekki.

Það er furðulegt að Sjálfstæðisflokkurinn skuli enn vera við völd eftir allt og það með stuðningi Samfylkingarinnar þegar staðreyndin er sú að þjóðin hefur ekki efni á þeirra gjaldþrota frjálshyggjustefnu. Það er komið nóg!

Allt í fína á Bakka

Rússar bjarga Íslandi!

Einkennilegt ástand í þessu landi okkar. Þegar útrásardrengirnir eru að verða búnir að setja bankana (sem þeir fengu gefins fyrir nokkrum árum) á hausinn og hafa dregið þjóðina með þá eru það Rússar sem eru þeir einu sem vilja lána okkur pening og redda okkur þar með (í bili).

Seðlabankinn fær lán frá Rússlandi

Ingunn St. Svavarsdóttir Yst opnar sýningu á Café Karólínu

Ingunn St. Svavarsdóttir Yst

Línan - ferð án fyrirheits

04.10.08 - 31.10.08   
 

Café Karólína // Kaupvangsstræti 23 // IS 600 Akureyri // 4612755

Ingunn St. Svavarsdóttir Yst opnar sýninguna "Línan - ferð án fyrirheits" á Café Karólínu laugardaginn 4. október 2008 klukkan 14.

“Sýningin samanstendur af 19 römmuðum teikningum, sem unnar voru snemma á árunum 2007 og 2008 í New York og Newcastle. Um er að ræða spuna eða hugarflug, sem á sér stað í afslöppuðu leiðsluástandi, þar sem viðkomandi leitast við að þvælast sem minnst fyrir verknaðinum.”

Ingunn St. Svavarsdóttir Yst, sálfræðingur og fagurlista-verka-kona er nýskriðin úr skóla, var að ljúka 2ja ára námi sínu í Master of Fine Art frá Newcastle University á Bretlandi nú í september 2008. Hún nam áður við Myndlistaskólann á Akureyri og útskrifaðist af Fagurlistabraut 2002.
Yst vinnur ýmist tví- eða þrívíð verk; teikningar, málverk, skúlptúra, lágmyndir og innsetningar. Þetta er 9. einkasýning Ystar, sem hefur helgað sig myndlistinni alfarið í heilan áratug og sýnt bæði hérlendis og erlendis.

Sýningin stendur til 31. október 2008.

Nánari upplýsingar á www.yst.is og yst(hjá)yst.is og í síma 659 6005

Næstu sýningar á Café Karólínu:
01.11.08 - 05.12.08    Þorsteinn Gíslason
06.12.08 - 02.01.09    Jóna Bergdal Jakobsdóttir
03.01.09 - 06.02.09    Herdís Björk Þórðardóttir
07.03.09 - 03.04.09    Inga Björk Harðardóttir
04.04.09 - 01.05.09    Helga Sigríður Valdemarsdóttir
02.05.09 - 05.06.09    Hertha Richardt
06.06.09 - 03.07.09    Georg Óskar Manúelsson
04.07.09 - 31.07.09    Lind Völundardóttir

Til hamingju ljósmæður!

Ljósmæður sýndu baráttuþrek og létu ekki buga sig í þessu fyrsta verkfalli í sögu ljósmæðra á Íslandi. Fjármálaráðherra og ríkisstjórnin varð sér til ævarandi skammar og merkilegt að ríkissáttasemjari varð að bjarga málunum. Verðandi mæður og feður geta nú andað léttar og ljósmæður horft fram á veg með bætt kjör. Ríkisstjórnin ætti hinsvegar að skammast sín.

Miðlunartillagan samþykkt

Arna Valsdóttir opnar sýningu í Kunstraum Wohnraum á sunnudag

ARNA VALSDÓTTIR 

BROT ÚR VERKUM 

21.09. - 14.12.2008 

Opnun sunnudaginn 21. september 2008, klukkan 11-13

Opið samkvæmt samkomulagi      

 

KUNSTRAUM WOHNRAUM             

Hlynur Hallsson • Kristín Kjartansdóttir     

Ásabyggð 2 • IS-600 Akureyri •  [phone]  [e-mail] • www.hallsson.de 

 

Sunnudaginn 21. september 2008 klukkan 11-13 opnar Arna Valsdóttir sýninguna “Brot úr verkum” í Kunstraum Wohnraum á Akureyri. Hún sýnir að þessu sinni vídeómálverk, kyrrmyndir úr hreyfimyndum og innsetningum, teikningar, ljósmyndir og fleiri brot úr fyrri verkum.

Arna er fædd á Akureyri 1963 og nam myndlist við grafíkdeild MHÍ og lauk framhaldsnámi frá fjöltæknideild Jan van Eyck Academie í Maastricht árið 1989. Á þeim tíma fór hún að gera tilraunir með það að tengja saman fleiri þætti í myndlistinni og vann gjarnan verk þar sem saman fór hljóð, rými, mynd og hreyfing.

Arna hefur tekið þátt í fjölda samsýninga og unnið einkasýningar þar sem hún vinnur verk beint inn í það rými sem hún velur hverju sinni.

Hún hefur meðal annars sett upp gagnvirk innsetningarverk í Garðskagavita, í Austurbæ, í Hafnarfjarðarleikhúsinu,í Nýlistasafninu, Í kjallara Kirsuberjatrésins, í Populus Tremula, í Ketilhúsinu, í Epal og nú síðast í Verksmiðjunni á Hjalteyri.

Arna hefur einnig sett verk sín upp á ráðstefnum um skólamál, í leikskólum, grunnskólum, framhaldsskólum og í Háskólanum á Akureyri.

Sýninguna í Kunstraum Wohnraum hugsar hún sem einskonar yfirlitssýningu þar sem litið er yfir farinn veg og það skoðað sem hennar fyrri sýningar hafa skilið eftir sig.

Nánari upplýsingar um verk Örnu Valsdóttur er að finna á http://www.arnavals.net

Meðfylgjandi mynd er af verki sem Arna setti upp á opnunarsýningu Verksmiðjunnar á Hjalteyri.

Kunstraum Wohnraum hefur verið starfrækt frá árinu 1994, fyrst í Hannover og nú á Akureyri. Það er til húsa á heimili Hlyns Hallssonar og Kristínar Kjartansdóttur í Ásabyggð 2. Sýning Örnu Valsdóttur stendur til 14. desember 2008 og er opin eftir samkomulagi og hægt er að hringja í síma 462  3744.

Nánari upplýsingar um Kunstraum Wohnraum er að finna hér.

Gott

Já, ljómandi gott að þessum vatnalögum hafi verið frestað aftur, enda eru þau meingölluð. Það er sérstaklega ánægjulegt að Sigurður Kári Kristjánsson skuli einnig vera kominn á þessa skoðun. Það sannar vonandi enn og aftur að batnandi mönnum sé best að lifa.

Einhugur um að fresta gildistöku vatnalaga

Sjálfstæðisflokkurinn er lasinn...

...og ekki bara með eitthvert smá kvef heldur eitthvað miklu verra. Vonandi batnar honum nú samt og lagast af þessar frjálshyggju-einkavinavæðingu. Sem er alvarlegur sjúkdómur og bitnar verst á þeim sem síst skyldi, nefnilega saklausu fólki í þessu landi. Á meðan ætti flokkurinn að fara í veikindaleyfi til að að jafna sig.

Uppgjör Óla Björns við Sjálfstæðisflokkinn

Ég myndi ekki kjósa hana aftur

Það er að segja ef ég hefði kosið Sjálfstæðisflokkinn (Sjálftökuflokkinn), sem ég hef sem betur fer ekki gert hingað til og mun vonandi aldrei slysast til að gera. En Þorgerður Katrín léti skattgreiðendur sennilega einnig borga fyrir maka sinn aftur og aftur svo lengi sem hún gæti. Enn ein ástæðan til að gefa íhaldinu langt og verðskuldað frí (launalaust!)

Myndi taka þessa ákvörðun aftur

Velkomin til landsins

Rauði krossinn og stuðningsfjölskyldur flóttafólksins eiga heiður skilinn. Við eigum að taka vel á móti nýjum Íslendingum. Konurnar og börnin eru fórnarlömb aðstæðna sem þau völdu sér ekki og það er okkar mannúðlega skylda að rétta fram hjálparhönd til aðstoðar.

Anna Lára Steindal hjá Rauða krossinum segir: „Enginn gerir það að gamni sínu að rífa sig upp frá heimkynnum sínum og fara á jafnframandi stað“. Höfum það í huga. Ég er viss um að Akurnesingar munu taka vel á móti fólkinu sem vonandi sér fram á betra líf og framtíð.

Flóttafólkið brosti við heimkomuna

Eru kanarnir að ganga af göflunum?

Það væri nú eftir öllu ef kanarnir kysu yfir sig annan hálfvita strax á eftir Bush. Og þessi Sarah Palin er greinilaga hægrisinnaðri en helvíti (ef það væri til:) Hún er á móti fóstureyðingum líka þó að konum hafi verið nauðgað. Henni er mein illa við homma og stendur fyrir afturhaldssömustu gildi sem finnast í myrkviðum Ameríku. Það er dálítið skondið að sumir sjálfstæðismenn á Íslandi skuli samsama sig þessi öfgaliði. Repúblikanaflokkurinn er með stefnuskrá sem er svo langt til hægri að manni verður óglatt.

En sem betur fer heldur maður enn í vonina um að skynsemin ráði vali meirihluta þeirra fáu sem nenna að kjósa í BNA og að Obama vinni þetta. Það væri betra fyrir heiminn. Það er komið nóg af stríðsóðum trúarbrjálæðingum á forsetastóli í BNA.

McCain nær forskoti á Obama

Allir á Austurvöll í hádeginu!

Þjóðin styður ljósmæður
Austurvelli, 5. september kl. 12.15

Verkfall ljósmæðra er skollið á. Ríkisstjórnin axlar ekki ábyrgð og gerir þar með yfirlýsingar og fyrirheit að engu. Stjórnarsáttmálinn er marklaust plagg. Þarfir fæðandi kvenna skipta ekki máli og störf ljósmæðra eru lítils virði.

Þó málið varði fyrst og fremst fæðandi konur og hið nýja líf sem þær bera í skauti sér, þá snúast störf ljósmæðra um framtíð þessa lands í heild sinni. Ekkert er mikilvægara en endurnýjun þjóðarinnar. Til að hún geti orðið með eðlilegum hætti verður að tryggja þjónustu ljósmæðra nú og um aldir alda.

Ljóst er að þjóðin stendur með ljósmæðrum. Kennarar, hjúkrunarfræðingar, læknar og flugfreyjur hafa sent frá sér stuðningsyfirlýsingar, auk fjölda félaga- og hagsmunasamtaka. Fram til þessa hafa konur á barneignaraldri verið í framvarðarsveit stuðningsfólks sem er eðlilegt. Nú er þó svo komið að þjóðin öll verður að láta í sér heyra. Öll höfum við fæðst. Mætum á Austurvöll kl. 12.15 og styðjum kjarabaráttu ljósmæðra.

Samstaðan er studd af eftirfarandi samtökum: Femínistafélagi Íslands, Kvenréttindafélagi Íslands, Flugfreyjufélagi Íslands, Félagi íslenskra hjúkrunarfræðinga, BHM, Læknafélagi Íslands, Kennarasambandi Íslands, Landssambandi Framsóknarkvenna og Vinstrihreyfingunni grænu framboði.

Mikið álag á starfsfólki

Lína opnar sýninguna "Tilbrigði - Variation" á Café Karólínu laugardaginn 6. september 2008 klukkan 17

Sigurlín M. Grétarsdóttir

Tilbrigði - Variation 

06.09.08 - 03.10.08   
 

Café Karólína // Kaupvangsstræti 23 // IS 600 Akureyri // 4612755

Sigurlín M. Grétarsdóttir (Lína) opnar sýninguna "Tilbrigði - Variation" á Café Karólínu laugardaginn 6. september 2008 klukkan 17.

Lína notar blandaða tækni í verkunum, aðferð sem hún hefur verið að þróa í rúm 2 ár. Í verkunum á sýningunni á Café Karólínu notar hún acryl, lakk, pappír, hrosshár og fleira.

Sigurlín M. Grétarsdóttir (Lína) stundaði nám við Iðnskólann í Hafnarfirði í 3 ár, á hönnunarbraut og útskrifaðist sem tækniteiknari. Hún útskrifaðist frá Myndlistarskólanum á Akureyri árið 2007 eftir fjögurra ára nám þar. Hún er nú í Háskólanum á Akureyri í kennsluréttindanámi. Þessi sýning er 5. einkasýningin hennar en hún hefur tekið þátt í nokkrum af samsýningum.
Sýningin á Café Karólínu stendur til 3. október 2008.

Nánari upplýsingar veitir Lína í lina(hjá)nett.is og í síma 8697872
Meðfylgjandi er mynd af einu verkanna sem hún sýnir á Café Karólínu.

Næstu sýningar á Café Karólínu:

04.10.08 - 31.10.08    Ingunn St. Svavarsdóttir Yst
01.11.08 - 05.12.08    Þorsteinn Gíslason
06.12.08 - 02.01.09    Jóna Bergdal Jakobsdóttir
03.01.09 - 06.02.09    Herdís Björk Þórðardóttir