TENGSL ALCAN VIÐ HERGAGNAFRAMLEIÐSLU OG BOTNLAUS SAKASKRÁ RIO TINTO

Hér er afar athyglisverð fréttatilkynning frá Saving Iceland um mál sem ættu að koma okkur íslendingum við:

Saving Iceland
Fréttatilkynning
24. júlí 2007

SAVING ICELAND STÖÐVAR UMFERÐ AÐ ÁLVERI RIO TINTO-ALCAN Í HAFNARFIRÐI

LANDSVIRKJUN Á AÐILD AÐ ÁLVERI RIO TINTO-ALCAN Í SUÐUR AFRÍKU, SEM ER KEYRT ÁFRAM MEÐ KOLUM OG KJARNORKU

HAFNARFJÖRÐUR – Saving Iceland hefur lokað aðgangi að álveri Rio Tinto-ALCAN í Straumsvík. Um það bil 20 mótmælendur hafa læst sig saman og klifrað upp í krana á vinnusvæðinu. Saving Iceland mótmælir fyrirhuguðu álveri Rio Tinto-ALCAN á Keilisnesi eða Þorlákshöfn, stækkun álversins í Hafnarfirði og nýju álveri í Suður-Afríku sem verður keyrt áfram af kolum og kjarnorku.

“Mótmæli gegn Alcan hafa skilað sínu. Hafnfirðingar höfnuðu að sjálfsögðu fyrirhugaðri stækkun í Straumsvík og nýlega varð fyrirtækið að hætta þáttöku sinni í báxítgreftri í Kashipur, Norðaustur Indlandi, vegna mótmæla gegn mannréttindabrotum þeirra og umhverfiseyðingu. Alcan hefur verið ásakað fyrir menningarútrýmingu í Kashipur , þar sem námur og stíflur hafa þegar neytt 150.000 manns til þess að yfirgefa heimkynni sín, mest megnis innfædda . Norsk Hydro hætti þáttöku sinni í verkefninu eftir að lögreglan pyntaði og kveikti í mótmælendum, og þá kom Alcan inn í málið.” segir Snorri Páll Jónsson Úlfhildarson frá Saving Iceland.

“Þetta mál og önnur svipuð, sem og þáttaka Alcan í hergagnaframleiðslu sýnir hversu miskunnarlaust fyrirtækið er. Yfirtaka Rio Tinto eykur alls ekki líkurnar á því að framkoma Alcan batni.”

“Rio Tinto-ALCAN hefur alls ekki misst áhugann á byggingu nýs álvers á Íslandi. Hafnarfjörður er enn inni í myndinni, þrátt fyrir niðurstöðu íbúakosningarinnar  í vor og nýtt álver verður mögulega reist í Þorlákshöfn eða á Keilisnesi. Saving Iceland hafnar þessum framkvæmdum og lýsir yfir fullum stuðningi við íbúa Suður-Afríku, sem berjast gegn álveri Rio Tinto-ALCAN, sem keyrt verður áfram á kolum og kjarnorku. Landsvirkjun er einnig viðriðin verkefnið , því er mjög nauðsynlegt að Íslendingar hafni þessari síð-nýlendustefnu sem gjöreyðileggur bæði umhverfi og samfélög.” segir Snorri

Heimildir um tengsl Alcan við stríðsrekstur og hergagnaframleiðslu, samning Landsvirkjunnar í Suður-Afríku , og sögu Rio Tinto eru meðfylgjandi þessari  tilkynningu.

--- ENDIR ---

Frekari upplýsingar:
www.savingiceland.org
Snorri Páll Jónsson Úlfhildarson (s. 848 0373)

TENGSL ALCAN VIÐ HERGAGNAFRAMLEIÐSLU
Málmur frá Rio Tinto-ALCAN er seldur til margvíslegra nota í stríðsrekstri. ALCAN framleiðir t.d. ál fyrir EADS (European Aerospace and Defense and Space), sem framleiðir herþyrlur,  orrustuþoturnar Euorofighter Tycoon, Mirage F1, EF18 Hornet og aðrar þotur . EADS er einnig leiðandi framleiðandi flugskeyta . Samningar milli EADS og ALCAN eru kynntir sem samningar milli Airbus og ALCAN, til þess að hylma yfir aðild ALCAN að stríðsrekstri  , en það er þekkt leið álfyrirtækja að fela hergagnaframleiðslu sína undir heitinu eldflaugaframleiðsla. Á sama tíma verður að markaðssetja hergögnin og þess vegna eru myndir af orrustuflugvélum birtar á eldflaugahluta heimasíðu ALCAN .

EADS fullyrðir á heimasíðu sinni að vörur fyrirtækisins séu seldar til landa þar sem “sala á hátækni flughernaðartólum fer fram á ábyrgan hátt” Fyrirtækið byggi á “áratuga reynslu í herflugvélaiðnaði” En er fyrirtæki trúverðugt sem er svo siðblint að það birtir á sömu heimasíðu myndir frá Þýskalandi á tímum nasismans, þar sem bæði Fyrri Heimstyrjaöldin og flugvélar Nasista  eru lofaðar hástöfum?

RIO TINTO-ALCAN: ÁL TIL ÍRAKS
ALCAN sér Boeing fyrir “úrvals, afkastamiklum álafurðum”  . Boeing framleiðir herþyrlurnar Apache og Chinook sem eru notaðar í Írak, en einnig minna þekktar vörur t.d. “Small Diameter Bomb”   og “Joint Direct Attack Munition”  . Einnig eru samningar milli Alcan og Dassault , fransks hergagnaframleiðanda, sem framleiðir margskonar orrustuflugvélar úr áli . Þar að auki hefur ALCAN lagt sig sérstaklega fram við að kynna fyrirtækið fyrir sjóhernaðarstofnunum .

RIO TINTO-ALCAN: PLÖN FYRIR AFRÍKU
Rio Tinto-ALCAN hefur skrifað undir samning við Ríkisstjórn Kamerún um að stækka Alucam álverið um 150.000 tonn á ári, auk þess að reisa nýtt 150.000 tonna álver. Lom Pangar stíflan, sem er við það að verða reist, mun sjá um orkuframleiðslu fyrir álverin . Alcan er með mörg önnur verkefni á teikniborðinu í Afríku – “Greenfield”  verkefnið þeirra inniheldur Kamerún, Ghana, Guinea, Madagascar og Suður-Afríku. “Greenfield” stendur fyrir það þegar ósnert náttúra er eyðilögð fyrir námugröft, grunngerð, álbræðslur og stíflur.

AÐSKILNAÐARSTEFNAN Í SUÐUR AFRÍKU, ESKOM OG LANDSVIRKJUN
ALCAN var virkur þáttakandi hinni illræmdu aðskilnaðarstefnu í Suður Afríku á árunum 1949-1986 . Nú vill fyrirtækið snúa aftur og reisa álver á nærri því skattfrjálsu svæði, “Coega Development Zone”, nálægt Port Elizabeth. Álverið verður keyrt áfram á kolum og kjarnorku frá Eskom, en fyrirtækið er eitt stærsta raforkufyrirtæki í heiminum. “30% fátækra samfélaga í Suður Afríku hafa ekki aðgang að rafmagni, en samt sem áður er til nóg rafmagn til að reka álver” segir Lerato Maragele, aðgerðasinni frá Suður Afríku sem heimsótti Ísland á vegum Saving Iceland .

Elkom er “systurfyrirtæki” Landsvirkjunnar , en Landsvirkjun stefnir á að taka þátt í álversframkvæmdunum í Suður Afríku og færa svo út kvíarnar í Afríku. Því er líklegt að Landsvirkjun muni reyna að selja sérfræðikunnáttu sína til ýmisa verkefna tengdum vatnsafls
raforkuframleiðslu Eskom í Mósambík, Úganda og Kongó . Einnig er líklegt að fyrirtækið muni reyna að vinna að gerð stíflu í Kongó ánni, en hún verður tvisvar sinnum stærri en Three Gorges stíflan í Kína, og mun leggja regnskóa Mið Afríku í rúst.

BOTNLAUS SAKASKRÁ RIO TINTO
Við getum auðveldlega sýnt fram á að ALCAN tekur virkan þátt í hergagnaframleiðslu og stefnir á innrás í Afríku, jafnt sem á Íslandi. Núna hefur fyrirtækið verið keypt af Rio Tinto, sem er stærsta einkarekna námufyrirtæki í heiminum, og hefur “lengi verið gagnrýnt fyrir gróf mannréttindabrot sem ná aftur til þáttöku þeirra í aðskilnaðarstefnunni í Suður Afríku.”

Nokkur dæmi um mannréttindabrot Rio Tinto.
Rio Tinto hefur vitandi neytt starfsmenn sína til að starfa í banvænum gullnámum sínum í Brasilíu, og njósnað um og rekið meðlimi verkalýðsfélaga. Einnig eru dæmi um að fátækir heimamenn í leit að gulli í námum Rio Tinto hafi verið skotnir af öryggisvörðum Rio Tinto .

Rio Tinto hefur haft aðild að málaliðahneykslum. Ríkisstjórn Papúa Nýju Guineu réði í samstarfi við ALCAN, fyrirtækið Sandline International, sem er einkarekinn, óháður málaliðaher, til að berjast gegn íbúum eyjunnar Bougainville. Herinn er mest megnis skipaður fyrrum breskum og suður afrískum sérsveitarmönnum, en herinn hafði aðild að borgarastyrjöldunum í Angóla og Sierra Leone. Íbúar Bougainville höfðu lokað námu vegna hrikalegra umhverfisskemmda     og hafa nú farið í mál gegn Rio Tinto fyrir skemmdirnar og stríðsglæpina sem málaliðaherinn fyrirtækisins framdi. Í ágúst 2006 hafnaði áfrýjunnardómstóll Bandaríkjanna beiðni Rio Tinto um að málinu yrði vísað frá .

--------------------------------------------------------------------------

  S. Das & F. Padel, “Double Death - Aluminium’s Links with Genocide”, Economic and Political Weekly, Des. 2005, sjá einnig á http://www.savingiceland.org/doubledeath
  Chandra Siddan, “Blood and Bauxite”, Montreal Mirror, Nov 20-26, 2003, Vol. 19 No. 23.
  “Smelter Expansion on Landfill?”, Iceland Review, June 20th 2007.
  RUV News, 26-02-2007, http://ruv.is/heim/frettir/frett/store64/item145391/.  Athugið að RUV
hafa ruglað saman Alcoa og Alcan.
  EADS vefsíða, http://www.eads.com/1024/en/businet/defence/mas/combat_aircraft/combat_aircraft.html
  EADS auglýsingamynd, “A Brief Glance at EADS”, http://www.eads.com/xml/content/OF00000000400004/1/10/41434101.mov
  AFX News, 13 júní, 2007, http://www.abcmoney.co.uk/news/13200786914.htm
  Alcan Press Release, “Company To Provide Critical Aluminum Materials For Full Range Of Aircraft Including A380”, 13. Júní, 2007,
http://www.decisionplus.com/fr/fintools/stock_news.asp?Market=TSE&Symbol=AL&NewsID=20070613/021501

http://www.alcanaerospace.com/Aerospace/aerospace.nsf/html/FWFGHOME?Open&LG=1,
dd. 22-7-2007.
  EADS auglýsingamynd, “90 years of aircraft history in Augsburg”, http://www.eads.com/1024/en/businet/defence/mas/mas.html and http://www.eads.com/xml/content/OF00000000400004/0/64/41488640.asx
  US Geological Survey, “Minerals Yearbook 2005,” September 2006, p. 5.2.
  Boeing Website Image Gallery of Small Diameter Bomb: http://www.boeing.com/companyoffices/gallery/images/missiles/sdb/sdb.html
  Boeing Image Gallery: http://www.boeing.com/companyoffices/gallery/images/missiles/sdb/sdb.html
  Alcan Press Release, “Alcan Contributes to Success of Eighth Ariane 5 ECA Launch,” Dec 13th, 2006.
  http://www.dassault-aviation.com/
  “Pacific 2004, International Naval and Maritime Exposition for the Southern Pacific,” Aerospace Maritime and Defence Conference, http://www.ideea.com/pacific2004/embassy/smithbriefing.pdf
  US Geological Survey, “Minerals Yearbook 2005,” September 2006, p. 5.5.
  Alcan Press Release, “Alcan to Explore Development of Bauxite Mine and
Alumina Refinery in Madagascar,” September 11th 2006.
  Alcan’t website, http://www.alcant.co.za/history.html
  Grapevine, Issue 10, July 13, 2007. Viðtal einnig á http://www.savingiceland.org/node/870
  RUV News, 26-02-2007, http://ruv.is/heim/frettir/frett/store64/item145391/. Note that RUV has Alcoa and Alcan confused.
  International Rivers Network & EarthLife Africa, “Eskom’s Expanding Empire The Social and Ecological Footprint of Africa’s Largest Power Utility,” June 2003, http://www.irn.org/programs/safrica/index.php?id=030601eskomfactsheet.html
  Asia-Pacific Human Rights Network, “Rio Tinto’s Record and the Global Compact,” July 13th 2001, http://www.corpwatch.org/article.php?id=623.
  SBS Australia’s television program Dateline in a report on Rio Tinto, August 2000.
  Wikipedia Germany (22-7-2007), http://de.wikipedia.org/wiki/Sandline-Affäre
  Contract between PNG Government and Sandline:
http://coombs.anu.edu.au/SpecialProj/PNG/htmls/Sandline.html.
  Sarei v Rio Tinto, 456 F.3d 1069 (9th Cir. 2006), USA

Tveir mótmælendur handteknir í Straumsvík

Gott framtak hjá Umhverfisráði, áfram strætó!

Það er ef til vill ekki stórt skref að ákveða að nefna stoppistöðvar eftir skólum eða götum í stað þess að hafa þær nafnlausar en allavega löngu tímabært. Víðast hvar er þetta reglan og hér í Berlín heita allar stoppistöðvar strætó, sporvagna, neðanjarðarlesta og lesta eftir götum eða byggingum. Annars veit ég ekki hvernig fólk færi að því að átta sig á því hvert það á að fara og hvað stöðin heitir þar sem maður á að skipta um lest. Þetta auðveldar öllum að komast leiðar sinnar og vekur athygli á merkisstöðum. Ferðamenn hljóta einnig að taka þessu fagnandi. Akureyringar geta svo farið að fordæmi Reykvíkinga og nefnt sínar stoppistöðvar einnig og Reykvíkingar geta svo farið að fordæmi Akureyringa og haft ókeypis í strætó.

Fyrsta strætóstöðin nefnd „Verzló"

Orkuveitan tekin á beinið

Það er greinilega nóg að gera hjá dugnaðarforkunum í Saving Iceland. Þau benda á óhugnanlegar staðreyndir um álfyrirtækin Century-RUSAL og ALCAN-Rio Tinto sem tengjast hernaðar- og vopnaframleiðslu í heiminum. Þessi mótmæli fara mikið í taugarnar á sumum en Jóhann Björnsson skrifar skemmtilegan pistil um málið. Hér eru svo upplýsandi fréttatilkynningar frá Saving Iceland:

Fréttatilkynning
20. júlí, 2007

MÓTMÆLENDUR HEIMSÆKJA ORKUVEITU REYKJAVÍKUR SAVING ICELAND: “STÖÐVIÐ ORKUFRAMLEIÐSLU FYRIR STRÍД

REYKJAVÍK – Í dag heimsótti trúðarher Saving Iceland höfuðstöðvar Orkuveitu Reykjavíkur, Bæjarhálsi 1. Stuttu seinna fóru nokkrir mótmælendur hengdu þeir upp borða sem á stóð Vopnaveita Reykjavíkur. Saving Iceland krefst þess að O.R. stöðvi orkusölu til álfyrirtækjanna Century-RUSAL og ALCAN-Rio Tinto, en 30% framleidds áls fer til hernaðar- og vopnaframleiðslu (1).

Í morgun var ræðismannsskrifstofu Íslands í Edinborg lokað, þegar lásar voru límdir og rauðri málningu var hent á húsið með yfirskriftinni “Íslandi blæðir”. Á miðvikudag lokaði Saving Iceland veginum að álveri Century á Grundartanga.

Sem stendur er O.R. að stækka jarðvarmavirkjun sína við Hengil á Hellisheiði. Í umhverfismati vegna stækkunarinnar kemur fram að markmið stækkunnarinnar sé að koma til móts við kröfur stóriðjufyrirtækja með aukinni raforkuframleiðslu. Orkan sé aðallega ætluð stækkuðu álveri Century á Grundartanga og mögulega stækkuðu álveri ALCAN í Hafnarfirði og nýju álveri Century í Helguvík (2,3).

Stækkun álversins í Straumsvík hefur þegar verið hafnað í atkvæðagreiðslu og aðrar álversframkvæmdir á suðvestur horninu hafa ekki verið staðfestar. Sitjandi ríkisstjórn Íslands segist mæla gegn frekari álversframkvæmdum en samt sem áður er stækkun Hellisheiðarvirkjunnar í fullum gangi, verkefni sem mun kosta 379.06 milljónir dollara (2). Íslenska þjóðin hefur enn á ný verið blekkt. Þegar stækkuninni er lokið, verður fleiri álverum troðið upp á Íslendinga. Rafmagnið verður að selja til þess að borga upp lánin fyrir framkvæmdunum. Á sama tíma borga garðyrkjubændur tvisvar sinnum hærra gjald fyrir rafmagn en Century greiðir (4).

“Stór hluti framleidds áls fer beint til hernaðarstarfsemi Bandaríkjanna, Rússlands og annara landa. Ál er mikilvægasti undirstöðumálmur nútíma hernaðar, til framleiðslu t.d. skotvopna, skriðdreka, orrustuflugvéla og kjarnorkuvopna (5). Það er eins og hér á landi sé í gangi keppni um hvert af eftirfarandi fyrirtækum – ALCOA, ALCAN-Rio Tinto eða Century-RUSAL – hafi framið flest og stærst mannréttindabrot og umhverfisglæpi. Verðlaunin er ódýr íslensk orka. Enginn þessara böðla ætti að fá orku frá O.R.” segir Snorri Páll Jónsson Úlfhildarson frá Saving Iceland.

Century er undirfyrirtæki Glencore, sem er þekkt fyrir vafasama samninga sína í tengslum við aðskilnaðarstefnuna í Suður-Afríku, Sovétríkin og Írak undir stjórn Saddams Hussein (6,7). Glencore hefur sameinast RUSAL (8), sem gerir fyrirtækið að stærsta álfyrirtæki í heiminum. RUSAL, sem sér rússneska hernum fyrir áli, tekur á beinan hátt þátt í stríðinu í Tjetsetníu, með framleiðslu á sprengjum og skotvopnum úr áli. Að minnsta kosti 35 þúsund óbreyttir borgarar hafa látið lífið vegna þeirra átaka (9,10). Wayuu indjánar og bændur í Kólumbíu voru nýlega stráfelldir vegna námustækkanna Glencore (11).

Umhverfisáhrif Hellisheiðarvirkjunnar.

Stækkun Hellisheiðarvirkjunnar er langt í frá eins umhverfisvæn og O.R. heldur fram. Heitu og eitruðu, afgangsvatni er annað hvort dælt aftur í borholurnar (líkt og á Nesjavöllum), sem eykur líkur á jarðskjálftum á þessu virka svæði. Eða því er veitt í læki og vötn, en það kann að gjöreyða mikilvægum vistkerfum.

Norðurhluti Þingvallavatns er þegar líffræðilega dauður vegna samskonar framkvæmda og kallar það á að vatnið verði verndað strax. Ferðamannaiðnaður mun einnig skaðast á framkvæmdunum því röskun á neðanjarðarflæði leiðir til breytinga á hreyfingu grunnvatns. Það hefur í oft för með sér uppþornun heitra hvera og mengun yfirborðsvatns. (12,13)

Fjórar fuglategundir af válista Náttúrufræðistofnunnar Íslands verða fyrir neikvæðum áhrifum; fálki, grágæs, straumönd og hrafn (14).

ENDIR

Nánari upplýsingar:
http://www.savingiceland.org
Phone: Snorri Páll Jónsson Úlfhildarson, ([phone]

Heimildir:

1. Bauxite and Aluminous Laterite. (2nd edition), London: Technical Press. R. Graham, 1982, p. 250.
2. European Investment Bank, http://www.eib.org/projects/pipeline/2007/20070057.htm
3. VGK, Environmental Impact Assesment fot Helisheidarvirkjun, http://www.vgk.is/hs/Skjol/UES/SH_matsskyrsla.pdf,  page 2 and other pages.
4. Iceland Review,  June 7th, 20007, http://www.savingiceland.org/node/821.
5.. S. Das & F. Padel, “Double Death - Aluminium’s Links with Genocide”, Economic and Political Weekly, Dec. 2005, also available at http://www.savingiceland.org/doubledeath
6. Peter Koenig. "Secretive Swiss trader links City to Iraq oil scam", The Sunday Times, September 25, 2005.
7. Stephen Long. "Swiss link undermines Xstrata's bid for WMC", ABC Radio, February 11, 2005.
8. UC RUSAL, http://www.aluminiumleader.com/index.php?&lang=eng
9. Amnesty International, “What Justice for Chechnya’s disappeared?”, May 23rd 2007.
10. “Tens of thousands” were killed in the first Tchechen war, “25.000” in the second (since 1999). “Many of these were killed during the aerial bombardments of towns and villages in the first months of the conflict”.
11. Frank Garbely, Mauro Losa. "Paradis fiscal, enfer social", Télévision Suisse Romande, 29 June 2006.
12. Kristmannsdóttir, H, and Armannsson. H, 2003. ‘Environmental aspects of geothermal energy utilization.’ in Geothermics vol.32, p.451-461.
13. Rybach, L, 2003. ‘Geothermal energy: sustainability and the environment.’ Geothermics. vol.32, p.463-470.
14. Idem 3, p.24.

Fréttatilkynning
20 júlí , 2007
Í framhaldi af fyrri tilkynningu í dag
(http://www.savingiceland.org/node/857).

SAVING ICELAND BÝÐUR ORKUVEITU REYKJAVÍKUR TIL  OPINNA VIÐRÆÐNA UM SIÐGÆÐI FYRIRTÆKISINS

Í dag fóru 25 mótmælendur frá Saving Iceland inn í höfuðstöðvar Orkuveitu Reykjavíkur (O.R.) og hengdu upp borða sem á var letrað ‘VOPNAVEITA REYKJAVÍKUR’. Borðinn var ekki hengdur upp úti á húsinu vegna veðurs. Mótmælendur stöldruðu við í húsinu frá kl. 15.15 til kl. 16.00.

Talsmaður O.R., Páll Erland, staðhæfir að starfsmenn O.R. hafi veitt mótmælendum jarðarber og boðið Saving Iceland að hengja upp borðann inni í húsinu. Páll Erland kann að vera umhugað um að  ræða um jarðaber við gesti O.R., en það er hins vegar ekki rétt að O. R. hafi boðið mótmælendum að hengja upp borða sem bendir á þá staðreynd að fyrirtækið selur orku til aðila sem eru viðriðnir vopnaframleiðslu og alvarleg brot á mannréttindum (eins og sjá má í fyrri fréttatilkynningu okkar sem hægt er að lesa á http://www.savingiceland.org/node/857.)

Saving Iceland hafa haft samband við Orkuveitu Reykjavíkur og beðið um heimild til þess að hengja upp umræddan borða utan á höfuðstöðvar O.R..
 Auk þess að við æskjum þess að fulltrúar O.R.  taki þátt í opnum umræðum  við okkur um siðgæði þess að selja orku til fyrirtækja sem stunda glæpsamlega iðju, eins og bæði Century-Rusal og Alcan-Rio Tinto gera.

-- ENDIR

Frekari upplýsingar:
http://www.savingiceland.org
Sími: Snorri Páll Jónsson Úlfhildarson, 8480373.
Ljósmyndir og myndskeið: 8578625

Aðgerðasinnar hengdu borða á Ráðhús Reykjavíkur

Góð yfirlýsing frá VG + hrós til löggunnar og mótmælenda

Yfirlýsing þingflokks Vinstri grænna er tímabær og kemur af gefnu tilefni. Það er ótrúlegt hvernig virðist eiga að vaða áfram á skítugum skónum með álver um allt og nú er farið að halda því fram að álver geti verið hluti af grænu samfélagi! Öfugmælavísur ætla engan endi að taka. Yfirlýsingin frá VG er birt á mbl.is:

Þingflokkur Vinstrihreyfingarinnar – græns framboðs lýsir miklum áhyggjum vegna þeirrar stefnu ríkisstjórnarinnar að heimila að áfram sé haldið undirbúningi álverksmiðja í Helguvík, í Straumsvík, á Húsavík og víðar í skjóli útgefinna rannsóknaleyfa til orkuöflunar. Þetta kemur fram í yfirlýsingu frá VG.

„Yfirlýst stefna ríkisstjórnarinnar breytir að mati talsmanna orkufyrirtækjanna engu um þessi framkvæmdaáform, þótt annað hafi verið gefið í skyn af iðnaðarráðherra.

Þingflokkur VG krefst þess að hvorki verði gerðir samningar við stóriðjufyrirtæki né úthlutað rannsóknaleyfum til orkufyrirtækja á meðan unnið er að náttúruverndaráætlun fyrir tímabilið 2008–2012 og lokið við rammaáætlun um nýtingu vatnsafls og jarðvarma. Sá tími sem ætlaður er til þess verks fyrir árslok 2009 er augljóslega of knappur, ljóst er að Alþingi þarf meira ráðrúm til úrvinnslu og ákvarðana en ríkisstjórnin gerir ráð fyrir.

Fjölmörg atriði styðja þá skoðun að nú beri að staldra við með alla frekari stóriðjuuppbyggingu hérlendis:

- Kyótóbókunin um samdrátt í mengun andrúmsloftsins er til endurskoðunar og fullkomið óráð að heimila frekari losun frá stóriðju áður en stefnumótun fyrir tímabilið eftir 2012 liggur fyrir.
- Vaxandi óvissa er um þróun orkuverðs á heimsmarkaði, bæði vegna styrjaldarátaka og að olíuframleiðsla heldur ekki í við sívaxandi eftirspurn.
- Barátta álhringanna um markaðsyfirráð og gróða hvetur til mikillar varfærni í samskiptum við þá, hvað þá um frekari samninga um orkusölu til langs tíma.

Þingflokkur VG leggur áherslu á nauðsyn þess að horfið verði frá stóriðjustefnunni og telur mikilvægt að þeir sem taka undir þau sjónarmið tali skýrt og láti verkin tala í þeim efnum. Tryggja þarf með lögum heildstæð tök löggjafar- og framkvæmdavalds á orkumálum og að skipulagsákvarðanir um uppbyggingu meiriháttar iðnaðar og orkuframkvæmda séu teknar á landsvísu en ekki af handahófi og vegna skammtímasjónarmiða. Brýnt er jafnframt að Íslendingar móti sér vistvæna og sjálfbæra orkustefnu til langs tíma litið eins og VG hefur lengi talað fyrir og ítrekað lagt fram tillögur um, síðast í stefnuritinu Græn framtíð."

Hér er svo yfirlýsing frá Svandís Svavarsdóttur um málefni OR. 

Svo verð ég hrósa löggunni á Akranesi fyrir að sína stillingu og rétt viðbrögð við mótmælum Saving Iceland við Grundartanga. Lögreglan hefur greinilega séð frá Snorrabrautinni hvernig ekki á að bregðast við friðsömum mótmælum og tekið sig á. Mótmælendurnir eiga einnig hrós skilið fyrir lipurð og að koma tímabærum boðskap til skila. Hér er yfirlýsing frá Saving Iceland:

Umhverfi / Mótmæli

Fréttatilkynning
18. júlí, 2007.

SAVING ICELAND LOKA VEGINUM AÐ VERKSMIÐJUM CENTURY / NORÐURÁLS OG ELKEM / ÍSLENSKA JÁRNBLENDIFÉLAGSINS

GRUNDARTANGA – Í dag hafa  samtökin Saving Iceland lokað eina aðfangaveginum frá þjóðvegi 1. að verksmiðjum Century / Norðuráls og ELKEM / Íslenska járnblendifélagsins. Saving Iceland samtökin eru andsnúin áformum um nýja álbræðslu Century í Helguvík og stækkun á verksmiðju Járnblendifélags Íslands. Aðgerðafólk hafa hlekkjað sig saman í málmrörum og myndað þannig mannlegan tálma á veginum um leið og nokkrir hafa tekið yfir byggingakrana á svæðinu.

Century Aluminum, sem er hluti af nýrri rússnesk-svissneskri samsteypu fyrirtækjanna á RUSAL / Glencore / SUAL, ætla að reisa annað álver í Helguvík með 250.000 tonna árlegri framleiðslugetu. Álver þeirra á Grundartanga hefur þegar verið stækkað í 260.000 tonn.

Um þessar mundir er verið að fara yfir unhverfismat á Helguvíkur bræðslunni. (1) Þetta mat var gert af verkfræðisamsteypunni HRV (Hönnun/Rafhönnun/VST).

“Það er fáránlegt að verkfræðifyrirtæki sem hefur mikla hagsmuni af byggingu álversins sé ætlað að skila hlutlægu mati á umhverfisáhrifum framkvæmdarinnar. Í mati fyrirtækisins koma fram fáránlægar staðhæfingar eins og t.d. sú að mengun af verksmiðjunni verði ekkert vandmál vegna þess að Helguvík sé svo vindasamur staður að öll mengunin mun hverfa með vindinum” segir Snorri Páll Jónsson Úlfhildarson frá Saving Iceland.

“Þessi álbræðsla mun kalla á nýjar jarðhitaboranir í Seltúni, Sandfelli, Austurengjum og Trölladyngju, auk þess sem Hengilssvæðinu hefur þegar verið raskað stórlega hennar vegna af Orkuveitu Reykjavíkur. Í umhverfismatinu hefur alveg láðst að nefna þessi jarðhitasvæði eða hinar gífurlegu rafmagnslínur og rafmöstur sem fylgja munu framkvæmdinni. Þessar jarðvarmavirkjanir munu gersamlega eyðileggja ásýnd og vistfræðilegt gildi alls Reykjanesskagans. Orkuþörf verksmiðjunnar, um 400 mw, mun fara fram úr náttúrulegri orkugetu þessara jarðhitasvæða auk þess sem þau munu kólna á þremur til fjórum áratugum. (2) Century hafa viðurkennt að það er ætlun þeirra að stækka verksmiðjuna á næstu áratugum. Það er því augljóst að þessi álbræðsla mun ekki aðeins eyðileggja Reykjanesið heldur einnig útheimta frekari virkjanir jökuláa.”

Matsferlið virðist vera algjört aukaatriði, fyrirtækið hefur þegar reiknað með útgjöldum upp á 360 milljónir dollara sem að hluta til verður varið til byggingar álbræðslu í Helguvík. (3) Þetta gefur til kynna að Century hafa fengið fullvissun frá íslenskum yfirvöldum um að verkefnið mun sleppa í gegn hvað sem í skerst.

Þetta stangast algerlega á við stefnuyfirlýsingar nýrrar ríkistjórnar Íslands, og þá sérstaklega nýlega yfirlýsingu Þórunnar Sveinbjarnardóttur umhverfisráðherra, að hún sé á móti frekari álverksmiðjum á landinu.

Íslenska járnblendifélagið vill auka getu sína til framleiðslu á ferrosilicon fyrir stáliðnaðinn. Þetta fyrirtæki ber ábyrgð á einu mesta magni gróðuhúsalofttegunda og annarrar mengunar á Íslandi. (4)

“Stækkun á verksmiðjum Íslenska járnblendifélagsins og Century mun auka stórlega útstreymi gróðurhúsalofttegunda á Íslandi.  Ef ekkert bætist við þá stóriðju sem þegar er á Grundartanga og hjá ALCOA Fjarðaáli mun Ísland samt auka við útstreymi gróðurhúsalofttegunda um 38% miðað við ástandið árið 1990. Með áframhaldandi uppbyggingu stóriðju á Íslandi mun útstreymið nema um 63% yfir viðmiðun mörkum ársins 1990. (5) Slíkt ber vitni um algjört ábyrgðarleysi og ótrúverðugleika íslenskra stjórnvalda.

Allt tal um “græna orku” frá jarðvarma og vatnsorku er í raun hreinar lygar. Íslendingar verða að rísa gegn þessum erlendu fyrirtækjum” sagði Snorri Páll.

VG lýsir yfir áhyggjum vegna undirbúnings við álver

1234 slasaðir, Michael Moore og Hreinn Friðfinnsson

Einn, tveir, þrir, fjórir slösuðust í umferðinni í Reykjavík á einu ári! Flott tala en óhugnanlega há: eittþúsundtvöhundruð-þrjátíuogfjórir. Hvernig væri að sýna meiri tillitssemi, aka rólegar, slappa af, ganga og hjóla, taka strætó og hætta stressi og rugli? Meira en 40% þeirra sem slösuðust lentu í aftanákeyrslum, það er rosalegt. Þetta er engum að kenna nema okkur sjálfum (og ökuníðingunum) Þessi slys auka örugglega hagvöxtinn en þau eru þjáning og vesen sem hægt væri að draga úr stórlega. 

Það er hinsvegar frábært að Hreinn Friðfinnsson sé að sýna í einu virtasta galleríi í heimi, Serpentine. "Í mínum huga fjalla verk hans um tíma sem líður hægt. Allt fer fram með hægð. Verk Hreins fjalla um allar litlu uppgötvanirnar sem þú gerir ef þú tekur eftir umhverfi þínu," segir Kitty Scott, sýningarstjóri gallerísins. Hreinn er flottur og verkin hans líka.

Annar snillingur er Michael Moore. Steina vinkona mín sendi mér skemmtilega grein um kappan sem ég læt fylgja hér:

The one man revolution, Michael Moore, has done it again! Check this one out, it's almost as good as Sicko.

Published on Wednesday, July 11, 2007 by The Nation

Michael Moore Takes On CNN
by John Nichols

The frequently ridiculous Dr. Sanjay Gupta and the always ridiculous Wolf Blitzer tried to take apart filmmaker Michael Moore case against the failed U.S. health care system this week on CNN's "The Situation Room."

They lost.

Badly. 

 After airing Gupta's four-minute attack on Moore's new documentary, "Sicko," which sounded at times more like an insurance-industry advertisement than journalism, Blitzer introduced a live appearance by Moore.

 "That report was so biased, I can't imagine what pharmaceutical company's ads are coming up right after our break here," Moore immediately declared. "Why don't you tell the truth to the American people? I wish that CNN and the other mainstream media would just for once tell the truth about what's going on in this country."

 Focusing on CNN's on-bended-knee coverage of the Bush administration's pre-war arguments for attacking Iraq, Moore suggested that viewers might have their doubts about the willingness of the network to speak truth to power  in the Oval Office or in the boardrooms of insurance and pharmaceutical corporations.

 "You're the ones who are fudging the facts," Moore told Blitzer. "You've fudged the facts to the American people now for I don't know how long about this issue, about the war, and I'm just curious, when are you going to just stand there and apologize to the American people for not bringing the truth to them that isn't sponsored by some major corporation?"

 Moore did not back down and, to their credit, CNN's producers invited him to stick around an tape a longer segment in which the filmmaker ripped apart the network's attempts to discredit his reporting on health care systems in foreign countries that are dramatically superior to the U.S. system.

 "Our own government admits that because of the 47 million who aren't insured, we now have about 18,000 people a year that die in this country, simply because they don't have health insurance. That's six 9/11s every single year," said Moore, who argued that the U.S. needs "universal health care that's free for everyone who lives in this country, it'll cost us less than what we're spending now lining the pockets of these private health insurance companies, or these pharmaceutical companies."

 It's all at www.michaelmoore.com 

Check it out. This is almost as good as "Sicko."

Yfir 1.200 manns slösuðust í umferðaróhöppum í Reykjavík í fyrra

Almannahagsmunir Snorrabrautar?

Þetta lögreglumál fer að verða dálítið vandræðalegt og yfirlýsing lögreglunnar er ekki beint til þess að auka álit manns á þessum aðgerðum lögreglunnar. "Arinbjörn Snorrason, varðstjóri hjá lögreglunni á höfuðborgarsvæðinu, segir lögregluna hafa boðið mótmælendum frá aðgerðarsamtökunum Saving Iceland að ganga heldur niður Laugarveg, þar sem Snorrabraut er ein stofnbrauta neyðarliðs og lögreglu í borginni. Varðstjórinn segir mótmælendur hafa hafnað boði lögreglunnar, því þeim var ekki heimilt keyra bíl með kerru, sem mótmælendur stóðu upp á. Þá stóðu nokkrir uppi á bílnum sjálfum.

Þegar lögregla reyndi að ná tali af ökumanni bílsins læsti hann að sér. Það var þá sem lögregla greip til aðgerða sem leiddi til handtöku fjögurra mótmælenda."

Eins og bent hefur verið á þá var ekki neitt neyðarástand á Snorrabrautinni enda fjórföld gata og eflaust mikilvæg stofnbraut á laugardagseftirmiðdegi.

Þetta lítur því miður þannig út fyrir mér að lögreglan hafi flippað út þegar maðurinn vildi ekki opna bílinn sinn og lögreglumaðurinn braut þá rúðuna og tók lyklana úr og handtók svo fjóra! Ég vil bera virðingu fyrir lögreglunni og veit að þar þarf oft að vinna erfið störf og upp til hópa eru lögreglumenn besta fólk sem vinnur oft erfiða vinnu en auðvitað eru alltaf svartir sauðir innan um eins og allstaðar. Þetta finnst mér samt best: "Þá segir lögreglumaðurinn að fólkið hafi greinilega verið viðbúið handtöku, þar sem það hafði skrifað símanúmer lögfræðings hópsins á handlegginn. Slíkt þekki lögreglan frá mótmælum á Austfjörðum fyrir ári síðan." Var það þar með réttlætanlegt að handtaka fólkið.  Hvað er verið að gefa í skyn hér? Wolfgang nokkur Schauble ráðherra hér í Þýskalandi vill gjarnan að hægt verði að handtaka grunsamlegt fólk "áður en" það fremur "hryðjuverk". Kristilegir demókratar skilja ekkert í því að fulltrúar allra annarra flokka hafa gert athugasemdir við þessar fyrirætlanir! Hér erum við að tala um eftirlitsríkið og lögregluríkið eins og við viljum ekki hafa það. Auðvitað á að fara að lögum en lögin eiga líka að vera réttlát en ekki út í hött.

Almannahagsmunir réðu aðgerðum lögreglu

Er ekki allt í lagi hjá löggunni?

Ég var eðlilega ekki viðstaddur götuveisluna en þessi lýsing á atburðum á mbl.is segir mér að það sé ekki allt í lagi hjá löggunni:  "Þá voru mótmælendur með hljóðkerfi í bíl, sem lögregla bað þá um að slökkva á. Þegar því var ekki hlýtt braut lögregla rúðu bílsins og kippti lyklunum úr, að sögn sjónarvotts." Hvað var það sem réttlætti þetta ofbeldi lögreglunnar? Það þarf að skoða hvaða ástæður lágu að baki ákvörðun lögreglumannsins að brjóta rúðu í bílnum. Heldur lögreglan að svona viðbrögð séu líkleg til árangurs? Annars mæli ég bara með því að allir mæti á borgarfund í Þorlákshöfn annað kvöld:

REYNSLAN AF ALCAN OG ALCOA Á HEIMSVÍSU
* borgarafundur með íbúum Þorlákshafnar *

Um þessar mundir eru staddar á Íslandi tvær erlendar baráttukonur sem hafa haft náin kynni af álrisunum Alcoa og Alcan í heimalöndum sínum. Þetta eru þær Lerato Maria Maregele frá Suður-Afríku og Attillah Springer frá Trinidad, sem staddar eru hér á landi vegna ráðstefnunnar "Hnattrænar afleiðingar stóriðju og stórstíflna".

Í ljósi umtals um byggingu álvers í Þorlákshöfn ætla þær Lerato og Attilah að deila reynslu sinni af baráttunni við Alcoa og Alcan með íbúum Þorlákshafnar á opnum borgarafundi þar sem minna þekktar og jafnvel óvæntar hliðar á starfsemi þessara fyrirtækja verða ræddar. Með þeim í pallborði mun sitja Sigurlaug Gröndal skrifstorustýra.

Fundurinn fer fram nk. sunnudagskvöld (15. júlí) í sal Kiwanisfélagsins Ölver við Óseyrarbraut í Þorlákshöfn klukkan 20:00 stundvíslega.

Allt áhugafólk um framtíð Þorlákshafnar og atvinnumál á Suðurlandi er hvatt til að mæta! Aðgangur ókeypis og öllum heimill.

Mótmælendur Saving Iceland loka Snorrabraut

Til hamingju Friðrik V

Það er full ástæða til að óska þeim hjónum Arnrúni Magnúsdóttur og Friðrik Val Karlssyni til hamingju með nýuppgerða Bögglageymsluna í Gilinu. KEA á einnig heiður skilinn fyrir að koma því loks í verk að gera upp húsið sem var það síðasta í Listagilinu til að verða lífgað við. Ég hlakka til að koma til Akureyrar aftur og borða á þessum frábæra veitingastað og kíkja í nýju búðina. Hjálmar tók myndina í Gilinu í gær.

Svo biðst ég afsökunar á bloggleti en það er bara búið að vera mikið að gera og við mikið á ferðinni og heimsóknir vina hér í Berlín tíðar. Við fljúgum aftur til Köben og svo beint til Akureyrar þann 1. ágúst og á þessum tæpu þremur vikum á ég eftir að gera helling svo ég verð sennilega ekki duglegur að blogga. En tek upp þráðinn á Klakanum.

Friðrik V tekur til starfa í Grófargili

Elísabet Jónsdóttir opnar sýninguna "Prótótýpa" á Café Karólínu laugardaginn 7. júlí, 2007, klukkan 14.

Elísabet Jónsdóttir

Prótótýpa

07.07.07-03.08.07   

Velkomin á opnun laugardaginn 7. júlí 2007, klukkan 14

Café Karólína // www.karolina.is
Kaupvangsstræti 23 // IS 600 Akureyri // 4612755
---
Laugardaginn 7. júlí klukkan 14 opnar Elísabet Jónsdóttir sýninguna "Prótótýpa" á Café Karólínu.

Elísabet segir um verkin: "Sýningin prótótýpa samanstendur af hráunnum verkum og tilraunum með efni og áferðir. Myndefnið er fremur hefðbundið þar sem ég er fyrst og fremst að einbeita mér að efnistilraunum. Hugmyndin að þessari sýningu er að sýna “prótótýpur” af hugmyndum sem á eftir að vinna meira með og gera að fullkláruðum myndverkum."

Elísabet tók BA í grafískri hönnun frá Listaháskóla Íslands árið 2000. Sandberg Institute í Amsterdam 2002. Hún lagði stund á nám í innanhúsarkitektúr í Royal Academy of art Den Haag 2003-2006. Elísabet er meðlimur í listamannasamtökunum Haagse Kunstkring frá 2005 og hefur tekið þátt í nokkrum samsýningum á Íslandi og erlendis og er sýningin á Karólínu er þriðja einkasýningin hennar.

Nánari upplýsingar veitir Elísabet í netfangi betajons(hjá)yahoo.com  

Meðfylgjandi mynd er af verkum Elísabetar sem hún sýnir á Café Karólínu.

Elísabet verður viðstödd opnunina. Sýningin á Café Karólínu stendur til 3. ágúst 2007. Allir eru velkomnir á opnun laugardaginn 7. júlí 2007, klukkan 14.

Sýning Jónasar Viðars á Karólínu Restaurant stendur einnig til 3. ágúst 2007 og þá tekur við sýning Brynhildar Kristinsdóttur.

Næstu sýningar á Café Karólínu:

04.08.07-31.08.07        Dagrún Matthíasdóttir
01.09.07-05.10.07        Stefán Jónsson
06.10.07-02.11.07        Marsibil G. Kristjánsdóttir
03.11.07-30.11.07        Birgir Sigurðsson
01.12.07-04.01.08        Steinunn Helga Sigurðardóttir
05.01.08-02.02.08        Guðrún Vaka 

Umsjónarmaður sýninganna er Hlynur Hallsson

Sýning í Póllandi og minnismerki um gyðinga sem nasistar myrtu

Ég fer til Póllans eldsnemma í fyrramálið. Það er að opna sýning sem ég tek þátt í í Poznan. Hún heitir Asia - Europe - Mediations. Ég nenni ekki að taka tölvuna með svo ég reikna ekki með að blogga neitt næstu daga. Þeir sem vilja kynna sér þessa sýningu geta skoðað heimasíðuna hér og það er hellingur af listamönnum sem taka þátt og hér er hægt að sjá rununa. Það minnir mig á að ég þarf endilega að fara að uppfæra heimasíðuna mína og læra að gera það sjálfur.

Við fórum með vinum okkar í dag að skoða minnismerki um gyðinga sem nasistar myrtu í Evrópu á valdatíma sínum. Það var áhrifaríkt og dapurlegt en einnig mikilvægt að þetta safn er loksins komið upp hér í Berlín. Við komum einnig við í þinghúsinu og skoðuðum það vandlega. Maður drífur loksins í því að skoða eitthvað þegar vinir koma í heimsókn.

Til varnar fórnarlömbum pyndinga

Á morgun laugardag stendur hópur ungra Amnesty-félaga á Íslandi fyrir uppákomu á Austurvelli. Ég hvet alla sem vettlingi geta valdið til að mæta. Þeir sem ekki komast geta skrifað undir undirskriftalista með hvatningu til íslenskra stjórnvalda að fullgilda valfrjálsa bókun við Samning Sþ gegn pyndingum með því að senda tölvupóst með upplýsingum um nafn, kennitölu og aðsetur á netfangið ie(hjá)amnesty.is

Hér er tilkymmingin fra Amnesty: 

Til varnar fórnarlömbum pyndinga
Amnesty International á Austurvelli laugardaginn 30. júní 13-17

Laugardaginn 30. júní kl. 13-17 stendur hópur ungra Amnesty-félaga fyrir uppákomu á Austurvelli þar sem vakin verður athygli á þeim pyndingaraðferðum sem eiga sér stað í „stríðinu gegn hryðjuverkum“ en teljast, samkvæmt endurskilgreiningum ýmissa ríkja á hugtakinu, yfirheyrsla. Gestir og gangandi geta kynnt sér aðferðirnar og þann skaða sem þær valda og gripið til aðgerða gegn pyndingum og illri meðferð.

Arnar Grant einkaþjálfari, Ásgeir Kolbeinsson sjónvarpsmaður og Lóa Fatumata Touray fyrirsæta hafa gengið til liðs við hópinn til að vekja athygli á pyndingum og hlutskipti þolenda. Þau sitja fyrir í sárum á plakötum sem nú prýða strætóskýli víða um bæinn.

Félagar eru hvattir til að mæta, kynna sér málið og grípa til aðgerða til varnar fórnarlömbum pyndinga.

Þann 26. júní voru liðin 20 ár frá gildistöku Samnings Sameinuðu þjóðanna gegn pyndingum og annarri grimmilegri, ómannlegri eða vanvirðandi meðferð eða refsingu. 144 ríki hafa fullgilt hann og önnur 8 hafa skrifað undir hann. Einnig hafa 56 ríki fullgilt valfrjálsa bókun við samninginn sem heimilar eftirlitsfólki að heimsækja fangelsi og aðrar varðhaldsstofnanir án fyrirvara.

Þrátt fyrir það sýna ársskýrslur Amnesty International, ár eftir ár, að í meirihluta ríkja heims er fólk pyndað eða látið sæta illri meðferð. Ársskýrslan árið 2007 fjallaði um 153 ríki og af þeim höfðu minnst 102 beitt pyndingum eða annars konar illri meðferð.

Ein þeirra áskorana sem mannréttindasamtök standa nú frammi fyrir eru tilraunir sumra ríkja til að grafa undan skilyrðislausu banni gegn pyndingum og annarri illri meðferð, t.d. með þeirri rökfærslu að slík meðferð sé nauðsynlegt vopn í „stríðinu gegn hryðjuverkum“. Þessar staðhæfingar hafa mætt mikilli andstöðu en þá hafa ríkisstjórnir gripið til orðaleikja og reynt að túlka og skilgreina hugtök upp á nýtt, t.d. með því að;  

- halda því fram að ákveðnar yfirheyrsluaðferðir eða refsingar teljist ekki til pyndinga
-halda því fram að bannið við grimmilegri, ómannlegri og vanvirðandi meðferð sé ekki eins afdráttarlaust og bannið gegn pyndingum og því megi ríki láta fanga sæta illri meðferð í ákveðnum tilfellum
- framselja pyndingar til annarra ríkja og staðhæfa að þau ein beri ábyrgðina
-nota t.d. diplómatískar tryggingar til að sniðganga skuldbindingar til að framselja ekki fanga til landa þar sem hætta er á að þeir verði pyndaðir


Austurvöllur á morgun og undirskriftalisti gegn pyndingum

Við minnum á uppákomu sem hópur ungra Amnesty-félaga stendur fyrir á morgun laugardaginn 30. júní á Austurvelli. Þar verður vakin athygli á þeim pyndingaraðferðum sem eiga sér stað í „stríðinu gegn hryðjuverkum“ en teljast, samkvæmt endurskilgreiningum ýmissa ríkja á hugtakinu, yfirheyrsla. Gestir og gangandi geta kynnt sér aðferðirnar og þann skaða sem þær valda og gripið til aðgerða gegn pyndingum og illri meðferð.

Meðal aðgerða verður undirskriftalisti með hvatningu til íslenskra stjórnvalda að fullgilda valfrjálsa bókun við Samning Sþ gegn pyndingum (sjá fylgibréf hér að neðan). Þeir sem sjá sér ekki fært að mæta á Austurvöll en vilja bæta nafni sínu við listann geta sent tölvupóst með upplýsingum um nafn, kennitölu og aðsetur á netfangið ie(hjá)amnesty.is.


Háttvirti utanríkisráðherra, Ingibjörg Sólrún Gísladóttir

Þann 26. júní voru 20 ár liðin frá gildistöku Samnings Sameinuðu þjóðanna gegn pyndingum og annarri grimmilegri, ómannlegri eða vanvirðandi meðferð eða refsingu. 144 ríki hafa fullgilt samninginn og önnur 8 hafa skrifað undir hann. Einnig hafa 56 ríki fullgilt valfrjálsa bókun við samninginn sem heimilar eftirlitsfólki að heimsækja fangelsi og aðrar varðhaldsstofnanir án fyrirvara.

Ísland hefur undirritað valfrjálsu bókunina en ekki fullgilt hana. Í tilefni af alþjóðlegum degi í þágu fórnarlamba pyndinga 26. júní sl. skorum við undirrituð á íslensk stjórnvöld að fullgilda valfrjálsa bókun við Samning Sameinuðu þjóðanna gegn pyndingum og annarri grimmilegri, ómannlegri eða vanvirðandi meðferð eða refsingu. Einnig hvetjum við þig, háttvirti utanríkisráðherra, að beita þér á alþjóðvettvangi fyrir því að önnur ríki fullgildi samninginn og valfrjálsa bókun við hann.

Viðingarfyllst

Hlynur Hallsson 

Sonic Youth tónleikar í gær

Við Hugi skelltum okkur á tónleika með Sonic Youth í Columbiahalle í gærkvöldi. Þetta voru frábærir tónleikar. Þau spiluðu nýju plötuna "Daydream Nation" eins og hún lagði sig og töku svo nokkur aukalög í lokin. Þvílíkur hávaði og stuð. Ekki beint verið að hlífa gíturunum. Ég sá Sonic Youth á tónleikum í New York fyrir tæpum 15 árum í skólaferðalagi MHÍ. Það var frábært og gott að rifja upp fjörið í gærkvöldi. Áhorfendur gáfust ekki upp á að klappa þau upp og seinna uppklappið stóð í hálftíma. Það margborgaði sig.

Ég efast um að "Daydream Nation" fari á íslenska vinsældarlistann enda ekki beint um vinsældarpopp að ræða, en samt aldrei að vita. Þau verða að túra út árið og spila í Marfa, Texas þann 6. október 2007. Ég reikna ekki með að Bush mæti þó að það sé ekki svo langt fyrir hann að fara af búgarðinum sínum.

Sprengjuregn og dansandi Bítlar

Hnattrænar afleiðingar stóriðju og stórstíflna

Samtökin Saving Iceland boða til áhugaverðrar ráðstefnu helgina 7. og 8. júlí 2007 á Hótel Hlíð í Ölfusi. Hér eru upplýsingar fyrir þá sem vilja taka þátt í þessari ráðstefnu þar sem fulltrúar samtaka frá Trinidad og Tóbagó, Indlandi, Brasilíu, Canada, Bretlandi, Hollandi, Þýskalandi og Bandaríkjunum mæta:

Ráðstefna „Saving Iceland" 2007

Hnattrænar afleiðingar stóriðju og stórstíflna

Helgina 7. og 8. júlí 2007

Fyrir hönd Saving Iceland, viljum við bjóða ykkur velkomin á ráðstefnuna, auk þess sem við viljum fá ykkur til þess að taka þátt í pallborðsumræðum. Innlegg ykkar væri okkur mikils virði og er nauðsynlegt á tíma stóriðjuvæðingar á kostnað ómetanlegra íslenskra náttúruundra. Það væri okkur ánægja ef þið sæjuð ykkur fært að taka þátt í þessu verkefni: fyrstu ráðstefnunni á Íslandi sem gefur sanna hnattræna sýn yfir nútíma borgaralega umhverfisbaráttu og ástæðurnar sem liggja henni að baki.

Ráðstefnan hefst kl. 11 á laugardaginn og fer fram á Hótel Hlíð, Ölfusi (6 km. frá Hveragerði á leiðinni þaðan til Þorlákshafnar.) Hún er einn fjölda atburða sem "Saving Iceland" hafa staðið að, og munu standa að á árinu, í baráttunni gegn eyðileggingu ósnortnar íslenskrar náttúru.

Nú hafa fulltrúar samtaka frá Trinidad og Tóbagó, Indlandi, Brasilíu, Canada, Bretlandi, Hollandi, Þýskalandi og Bandaríkjunum tekið boði Saving Iceland um að taka þátt í ráðstefnunni. Hér gefst því einstakt tækifæri til að hitta erlent fólk sem stendur í svipaðri baráttu og við sjálf gegn stíflum og meira að segja sömu stórfyrirtækjum. Fólki úr íslenskum umhverfissamtökunum hefur verið boðið á ráðstefnuna og gefst okkur þar gott tækifæri til að bera saman bækur okkar við erlenda aðila sem standa í baráttunni gegn álvæðingunni.

Saving Iceland eru ekki meðlimasamtök, heldur hópur einstaklinga alls staðar að úr heiminum, sem eru staðráðnir í að standa gegn því að íslensk náttúra sé eyðilögð fyrir hagsmuni stóriðjufyrirtækja. Rétt eins og stórfyrirtækin sjálf eru alþjóðleg er baráttan gegn þeim einnig alþjóðleg.

Við byggjum okkar starfssemi á jafnræði þar sem enginn er yfir aðra hafinn í ákvarðanatöku og ákvarðanir eru teknar með upplýstu samþykki (“consensus decision”). Við erum samtaka um að gefa aldrei eftir grundvallarkröfur okkar. Engar málamiðlanir þegar kemur að því að vernda náttúruna.

Ef þið hafið einhverjar spurningar, hikið þá ekki við að hafa samband. Við værum þakklát ef þið létuð okkur vita sem fyrst hvort þið hafið áhuga á því að koma og taka þátt.

Meðfylgjandi er listi yfir helstu umfjöllunarefni erinda og umræðna á ráðstefnunni.

Drög að helstu umfjöllunarefnum erinda og umræðna

* Íslandi ógnað/
Kynning á þeirri ógn sem steðjar að Íslandi vegna stóriðju.

* Stórar stíflur, áliðnaðurinn og loftslagsbreytingar/
Ekki aðeins álframleiðsla – loftslagsáhrif metans og perflúorkolefna.

* Áhrif stórstíflna á vistkerfi vatnsfalla/
Vistfræði og líffræðileg fjölbreytni – áhrif stórra stíflna.

* Saga borgaralegrar óhlýðni og beinna aðgerða/
Frá fortíð til framtíðar – Hvernig beinar aðgerðir geta breytt gangi sögunnar

* Græn eða grá framtíð?/
Mismunandi framtíðarsýn

* Orkuöflun til stóriðju - Frá Kyoto til Peak Oil/
Stóriðja í leit að hernaðarlega hentugri staðsetningu orkuvera

* Barátta í Trinidad/
Barátta fólks gegn nýjum bræðslum ALCOA og Alutrint í Trinidad & Tobago.

* Narmada Bachao Andolan/
Best þekkta alþýðuhreyfingin á Indlandi,sem berst fyrir réttindum adivasi-ættbálksins sem hrakinn hefur verið frá heimkynnum sínum vegna stórstíflu.

* Baráttan í Kashipur/
Barátta gegn yfirborðsnámu ALCAN í Kashipur, norðaustur Indlandi.

* Stíflur á Amazonsvæðinu/
Ál ógnar regskógunum.

* Rannsókn á áliðnaðinum/
Kynntir helstu aðilar til leiks og greint frá nýjustu þróun í áliðnaði

* Stærsta ósnortna víðernið í Evrópu/
Landslag og lífríki sem ógnað er á Íslandi

* Breytingar á erfðavísum á Íslandi/
Víðara sjónarhorn á erfðabreytt bygg á Íslandi.

* Vaxandi þungi gegn risavélinni/
Að bera saman bækur: alþýðuhreyfingar gegn stóriðju, stórstíflum og hnattvæðingu.

Eftir þriggja ára baráttu gegn stórstíflum og stóriðju mun herferð „Saving Iceland" tengjast baráttunni um heim allan. Um víða veröld hafa stóriðja og stórstífluframkvæmdir hrakið á brott fólk í milljónatali, að mestu án þess að bætur hafi fengist fyrir þann skaða sem hefur orðið. Þessi mannvirki hafa eyðilagt vistkerfi á sjó og landi og eytt dýralífi. Þau hafa mengað andrúmsloft okkar og vötn og breytt loftslagi á óbætanlegan hátt – í nafni framfara. Fyrrverandi forsætisráðherra Indlands, Jawaharlal Nehru, orðaði það svo: „Ef þú þarft að þjást, ættirðu að gera það í þágu lands þíns", í ræðu yfir þorpsbúum sem átti að hrekja frá heimilum sínum vegna Hirakud-stíflunnar árið 1948. Ríkisstjórnir Íslands og Indlands telja risaraforkuver enn vera tákn um hugvitsemi, framfarir og þjóðarstolt. Í Trinidad og Tobago, sem og á Íslandi leitar áliðnaðurinn að óþrjótandi orkulindum á tímum vaxandi óvissu í orkumálum.

Samt hefur sagan alltaf sýnt undirstrauma sem ekki eru í samræmi við hin ríkjandi framfaraviðhorf. Fjöldi fólks berst gegn því að vera fórnað í þágu lands síns eða efnahagsins og margir hafa barist gegn því að landi þeirra og óbyggðum sé fórnað.

Ráðstefna „Saving Iceland" 2007 mun auka og dýpka þekkingu þína á baráttunni gegn stóriðjunni, í rúmi og tíma.

Stórtónleikar til verndunar náttúru Íslands og gegn stóriðju

SAVING ICELAND KYNNIR:

STÓRTÓNLEIKAR Á NASA – TIL VERNDUNAR NÁTTÚRU ÍSLANDS OG GEGN STÓRIÐJU, MÁNUDAGINN 2. JÚLÍ KL 20.00

Hljómsveitir og tónlistamenn sem fram koma eru meðal annarra:

Múm, Ólöf Arnalds, Bogomil Font og félagar, Magga Stína, Rúnar Júl, Ellen Eyþórs, Mr. Silla og Mongoose, Bloodgroup, Evil Madness, Skátar, Ljótu Hálfvitarnir, Retro Stefsson, Strakovsky Horo, Dj Árni Sveins.

Miðaverð er 2500,- og rennur allur ágóði til náttúruverndar. Miðar verða seldir við innganginn. Frjáls framlög eru einnig vel þegin. Allir listamennirnir gefa vinnu sína til stuðnings samtakana Saving Iceland og verndunar náttúru Íslands.

Þeir sem að tónleikunum standa að þessu sinni eru samtökin Saving Iceland, sem verða með mótmælabúðir í sumar þriðja árið í röð, og standa einnig fyrir ráðstefnunni Hnattrænar afleiðingar stóriðju og stórstíflna, um helgina 7. - 8. júlí að Hótel Hlíð, Króki, Ölfusi, þar sem fjöldi fyrirlesara mun flytja erindi og innlendir og erlendir náttúruverndarsinnar munu bera saman bækur sínar.

Náttúruverndarsinnar og aðrir sem áhuga hafa eru hvattir til að mæta og sýna góðu málefni stuðning í sumri og sól.

Látið ekki þessa stórtónleika fram hjá ykkur fara.

Eins og fyrr segir hefjast tónleikarnir kl 20.00, mánudaginn 2. júlí. Húsið opnar kl 19.30.

BJÖRGUM ÍSLANDI FRÁ STÓRIÐJU!

Nánari upplýsingar hjá www.savingiceland.org, Sigurði Harðarsyni - 6637653 Jason Slade - 6902862

Fimm látnir við byggingu Kárahnjúkavirkjunar

Hverjir bera ábyrgð á því að það hafa fimm manns látið lífið við byggingu þessarar virkjunar?...

Lést á leið í sjúkraflugið