Hárrétt hjá Greenpeace

Það er ótrúlegt að útgerð Wilson Muuga eigi að komast upp með að sleppa því að fjarlægja skipið af strandstað. Gott hjá Greenpeace að benda á þetta. Hverjir eiga að borga brúsann? Skipið liggur á viðkvæmum stað og er búið að gera mikinn skaða nú þegar. Grænfriðungar eiga heiður skilinn fyrir að beita sér í þessu máli. Í frétt mbl.is segir "Frode Pleym, talsmaður Grænfriðunga á Norðurlöndum, hefur sent norska tryggingafélaginu Gard A/S bréf þar sem þess er krafist að félagið greiði að fullu fyrir að að flutningaskipið Wilson Muuga verði fjarlægt af strandstað.

Í bréfi sem stílað er á Einar Christensen, yfirmann hjá Gard, segir að Grænfriðungar skilji sem svo að félagið hafi neitað að greiða að fullu fyrir nauðsynlegar aðgerðir á strandstað, en svæðið sé skráð verndað og sé mikilvægt fyrir bæði farfugla og íslenska fugla.

Er í bréfinu bent á að um 10 tonn af olíu hafi lekið í hafið eftir strandið, en að þetta hafi ekki verið í fyrsta skipti sem skipið lenti í atviki sem þessu. Segir í bréfinu að í janúar á síðasta ári hafi Wilson Muuga rekist á fiskiskipið Gåsøy í Nyksund við strendur Noregs, og að skipverjar skipsins hafi hvorki stöðvað né haft talstöðvarsambandi við Gåsøy eftir óhappið."

Grænfriðungar krefjast þess að Gard A/S greiði fyrir að fjarlægja Wilson Muuga

Athugasemdir

[Steinunn Helga Sigurðardóttir, 21.3.2007 kl. 16:17]

Greenpeace eru mínir menn !

kveðja til þín hlynur minn

steina 

[Júlíus Sigurþórsson, 21.3.2007 kl. 16:52]

Mikið er nú skemmtilegra að vera þér sammála

Víkatindur var fjarlægður þegjandi og hljóðalaust.

Það á að bjóða þeim að hefjast handa strax, eða fjarlægja skipið og senda þeim reikninginn, með dráttarvöxtum frá fyrsta degi.

Ef þeir hefjast ekki handa strax við að fjarlægja skipið, þá á að banna þessu skipafélagi og þeim sem því tengjast að starfa hér á landi. Líka banna skúffufyrirtækið hér og senda ábyrgðaraðilana í steininn fyrir umhverfisspjöll.

[Katrín Snæhólm Baldursdóttir, 21.3.2007 kl. 17:12]

Halló Hlynur bloggvinur minn. Hefur þú fylgst með ástandi geðheilbrigðismálanna? Væri þú til í að kíkja við á blogginu hennar Dúu dásamlegu og gefa henni einhver svör við spurningum hennar þar? Ég er svo yfir mig gáttuð á hvernig staðið er að þessum málum í þessu samfélagi og á bágt með að trúa að svona sé raunveruleiki þeirra sem eiga við andleg veikindi að stríða. Spái í Greenpeace síðar.

[Sveinn V. Ólafsson (IP-tala skráð) 22.3.2007 kl. 01:35]

Ég væri flott að leyfa skipinu að ryðga niðurþar sem það er, þar sem búið er að fjarlægja úr  því spilliefni.  Það minnir okkur á hve náttúrúöflin geta verið sterk og það er stórfenglegt að horfa á skip í fjöru.  Minnir ða Illugi Jökulsson hafi kynnt þessa hugmynd og hún er góð.

 kveðja

Sveinn