Loksins, loksins

Það hefur lengi verið beðið eftir þessari starfsemi hér á Akureyri og ánægjulegt að málið skuli komið í höfn. Aflþynnur eru líka ágætis nýyrði. Það besta er að hér er um verksmiðju að ræða sem mengar lítið en skaffar helling af hátæknistörfum. Nú getur fólk hrósað happi yfir því að ekki var hlunkað niður mengandi álbræðslu í fjörðinn. Hér er fréttin af mbl.is "Verið er að undirrita raforkusamning milli ítalska fjölskyldufyrirtækisins Becromal og Landsvirkjunar á Akureyri fyrir nýja aflþynnuverksmiðju sem reisa á að Krossanesi á Akureyri. Verksmiðjan á að vera risin og hefja starfsemi á næsta ári. Skapar verksmiðjan níutíu ný störf í Eyjafirði. Orkuþörf verksmiðjunnar er 640 gígavattsstundir á ári sem er fimm sinnum meira heldur en Eyjafjarðarsvæðið notar árlega, að því er fram kom á fundi nú í hádeginu.

Aflþynnur eru notaðar í rafþétta en vaxandi eftirspurn er eftir rafþéttum þar sem þeir eru notaðir í allan rafeindabúnað. Íslenska fjárfestingafélagið Strokkur Energy hefur gerst þátttakandi í uppbyggingu Becromal á Íslandi."

Iðnaðarráðherra mælir með nýyrðinu aflþynna

Athugasemdir

[Bergur Þorri Benjamínsson, 15.8.2007 kl. 14:32]

Notar mikið rafmagn og vatn ,heitt og kalt ,mengar lítið .. Ero Snild  ekki satt Hlynur ?

[Púkinn, 15.8.2007 kl. 14:34]

"Mengar lítið" ???  Það er að vísu lítill útblástur af gróðurhúsalofttegundum frá verksmiðjum þeirra, en því meira af ammoníaki og ýmsum öðrum óþverra.

[Ásgeir Kristinn Lárusson, 15.8.2007 kl. 14:44]

Hvernig verður orkunnar aflað og á hvaða verði fer hún? Þessum spurningum verða hæstvirtir ráðamenn að svara...