Aðgerðir sem virka strax

Frábært að leikskólaráð Reykjavíkurborgar hafi samþykkt tillögu Vinstri grænna um að greiða viðbótarlaun til starfsfólks á leikskólum. Það þarf einnig að hækka laun grunnskólakennara. Gott að tillögur Vinstri grænna komast áfram þrátt fyrir að vera í minnihluta. Áfram svona! Ásdís á Mogganum tók þessa skemmtilegu mynd af leikskólakrökkum.

Samþykkt í leikskólaráði að greiða leikskólakennurum tímabundin viðbótarlaun

Athugasemdir

[Jóhannes Ragnarsson, 15.8.2007 kl. 17:49]

Það er eflaust nauðsynlegt að hækka laun leik- og grunnskólakennara. En einkum og sér í lagi þarf að einbeita sér við að hækka laun verkafólks.

Mikið vildi ég að Vinstrihreyfingin grænt framboð tæki upp verkalýðsbaráttu og gerðist verkalýðssinnaður Vinstriflokkur ...  

[Anna Ólafsdóttir Björnsson, 15.8.2007 kl. 21:31]

Ég ætlaði varla að trúa því þegar ég heyrði kvöldfréttirnar, en mikið óskaplega er ég ánægð með niðurstöðuna. Merkilegt ef það uppgötvast á endanum að helsta ástæðan fyrir því að erfitt er að manna stöðurnar er einföld: Lág laun! Búið að tína nánast allt annað til.

[Guðrún Olga Clausen, 15.8.2007 kl. 21:46]

Það er meira en kominn tími til að gera eitthvað í launamálum kennara. Það gengur ekki lengur að halda launum þessarar stéttar í slíku lágmarki að það sé eilíft stress á haustin að manna skólana, hvort sem það eru leikskólar eða grunnskólar. Hundóánægð stéttin er þreytt á skilningsleysi yfirvalda á starfi þeirra. Það þarf að sjálfsögðu líka að huga að kjaramálum annarra þeirra stétta sem lægst launin hafa á þessu landi , þar sem stórir hópar virðast vera með alla vasa úttroðna af peningum. 

[Úrsúla Jünemann, 15.8.2007 kl. 21:54]

Takk, Hlynur fyrir að minnast á astandið í skólum og leikskólum. Ég er einn af þeim kennurunum sem vildi gjarnan minnka vinnuálagið, enda komin á aldur. Samt fæ ég sífellt fleiri kennslustundir á stundatöfluna mína og get einfaldlega ekki sagt nei við þetta enda vanta kennara! Við erum alltaf til að redda málunum. Það sem maður fæ svo borgað í yfirvinnu fer mestmegnis allt í skattinn sem verður svo varinn í dátaleiki og ónýta ryðdalla.

[Karl Tómasson, 15.8.2007 kl. 23:30]

Þetta er allt á réttri leið í Mosó minn kæri.

Bestu kveðjur frá Kalla Tomm.

[Jóhannes Ragnarsson, 16.8.2007 kl. 08:43]

Alveg er þetta merkilegt. Í hverju kommentinu hér að ofan (að mínu frátöldu) keppist fólk við lýsa yfir nauðsyn þess að hækka laun leik- og grunnskólakennara, en minnist ekki einu orði nauðsyn þess að hækka laun verkafólks, og þó eru þessir kommentarar fólk sem hefur látið að því liggja að það sé vel til vinstri í pólitíkinni.

Sannleikur er nefnilega sá, að í síðustu kjarasamningum fengu umræddir leik- og grunnskólakennarar mikið meiri hækkun launa en verkafólk. Lauslega áætlað, fékk verkafólk 15,8% launahækkun á samningtímanum í síðustu kjarasamningum, kennarar 25%, og leikskólakennarar 35%.

[Jórunn Sigurbergsdóttir , 16.8.2007 kl. 12:21]

Rétt og satt.

[Valgerður Halldórsdóttir, 16.8.2007 kl. 14:37]

Hið besta mál!