Ekki allt í lagi

Það er greinilega eitthvað mikið að í henni Saudi Arabíu. Kona sem hefur orðið fyrir hópnauðgun er dæmd í hálfs árs fangelsi og má þola 200 svipuhögg fyrir að hafa verið nálægt ókunnugum karlmönnum, nauðgurunum. Þetta kemur fram í frétt í Jyllands Posten. Það er ef til vill smá bót í þessu máli að karlarnir sem nauðguðu voru einnig dæmdir í fangelsi. Ég vona að Amnesty International taki málið fyrir og þrýsti á að stúlkunni verð sleppt við refsingu. Brot á mannréttindum eru alvarleg og þegar brotið er á þeim sem síst skyldi, fórnarlömbum ofbeldis, nauðgana og frelsissviptingar, er manni nóg boðið.

Það að stjórnin í BNA geri ekkert í málinu kemur svo sem ekkert á óvart. Bush er háður olíunni frá Saudum og hann á ekki svo marga "bandamenn" í þessum heimshluta. Hann er tilbúinn til að kaupa stuðning úr þessari átt dýru verði og þá skipta mannréttindi engu máli lengur. Íbúum BNA blöskrar auðvitað og það er tækifæri eftir tæpt ár til að losa Hvíta húsið úr klóm Repúblikana.

Bandaríkjastjórn gagnrýnir ekki refsingu fórnarlambs nauðgunar

Athugasemdir

[Gísli Baldvinsson (IP-tala skráð) 21.11.2007 kl. 14:09]

Þetta er auðvitað ekki í lagi Hlynur minn enda bloggaði ég um þetta fyrir nokkrum dögum. Þá vegna heimsóknar íslenskra þingkvenna.

[Edda Agnarsdóttir, 22.11.2007 kl. 22:57]

Ég hnaut um þessa frétt í blaði um daginn  og varð helst hugsað um dómskerfið okkar í samanburði við þeirra og fannst þetta vera sama hugsunin að baki dóms í nauðgunarmáli, það eina sem ber í milli er kúlturmismunur sem ég geri ekki lítið úr en annars er það réttarkerfið sem býður upp á misþyrmingu kvenna hvort land á sinn hátt.