Guðni alveg að fara meðþa!

Guðni Ágústsson landbúnaðarráðherra er alveg sér á parti. Einhvernveginn frá því á þarsíðustu öld. Nú þykist hann bara geta ákveðið hvað eigi að flokkast undir samkeppnisiðnað og hvað ekki. Það er alkunna að t.d. Sjálfstæðismenn tala mikið um frjálsa samkeppni en svo vinna þeir að því að hér ríki fákeppni svo þeir geti einir setið að kjötkötlunum. Þá er markaðurinn allt í einu orðinn "of lítill" og svo framvegis sbr. Flugfélag Íslands. Guðni er kominn í hópinn og vill alls enga samkeppni í framleiðslu á mjólk og osti þvi þar gilda vist allt önnur lögmal heldur en t.d. í brauðbakstri. Þetta er svo athyglivert í ljósi frétta af sameinuðum framleiðslurisa með emmess, Norðurjólk og KS saman í einni sæng (örugglega hagkvæm samlegðaráhrif, líka fyrir okkur neytendur!) Þessi félög eru undanþegin samkeppnislögum og heyra undir búvörulög!

Í Ríkisútvarpinu kom eftirfarandi fram: "Guðni Ágústsson landbúnaðarráðherra ætlar ekki að breyta búvörulögum þrátt fyrir tilmæli Samkeppniseftirlits um það. Forstjóri eftirlitsins segir að mjólkuriðnaðurinn eigi ekki að vera undanþeginn samkeppnislögum. Þessu þurfi að breyta svo viðskiptaumhverfi sé eðlilegt. Ráðherra er ósammála og segir hagkvæmni best tryggða með óbreyttu fyrirkomulagi."
Guðni færði náttúrulega engin rök fyrir málinu enda hefur hann sennilega engin, bara eigin tilfinningu og visku.

Þetta fær mann svo aftur til að velta fyrir sér því að talsmaður neytenda Gísli Tryggvason er að fara í prókjörsslag hjá Framsókn. Getur hann verið í sinni opinberu stöðu á sama tíma og þessum prófkjörsslag? Ef allt væri eðlilegt væri hann það ekki og tæki sér að minnsta kosti launalaust frí á meðan. Og ef hann fer svo í framboð verður hann auðvitað að segja stöðu sinni lausri. Annað gengur ekki. Nema þetta sé bananalýðveldi sem við búum í. Talsmaður neytenda er nýbúinn að lýsa yfir ánægju sinni með útspil ríkisstjórnarinnar um lækkun matarskatts. Hagfræðinga greinir mjög á um hvort þessi prósent muni öll skila sér til okkar neytenda svo þetta er nú dálítið einkennilegt, á sama tíma og talsmaðurinn er að plotta í prófkjöri hjá Framsókn í Kraganum. Hverra talsmaður er hann þá?

 

Mjólka undrast viðbrögð landbúnaðarráðherra

Athugasemdir

[Sigrún Sæmundsdóttir, 15.10.2006 kl. 23:21]

Auðvita á Gísli Tryggvason að fara í launalaust frí, eins ætti bæjastóri Akureyra að gera það líka, þeir eiga að sýna kjósendum þá virðingu. En það er eins og allt sé leyfilegt hér á landi.

ÆÆi hann Guðni, þett er bara hann Guðni, hann er að gera stór mistök, hvort hann telur sig vera að styrkja stöðu sína veit ég ekki. En samkeppni er að hinu góða og ég tel að bæði neitendur og þorri bænda séu ekki sammála Guðna núna. Hann er að veikja stöðu mjólkuriðnaðar hér.

[Hlynur Hallsson, 16.10.2006 kl. 08:54]

Ég er þér fullkomlega sammála Sigrún. Guðni er að eyðileggja fyrir mjólkuriðnaðinum, bændum og auðvitað neytendum. Verst var að hlusta á Jón Sig. iðnaðarráherra endurtaka rullu Guðna eins og hún lagði sig í Ríkisútvarpinu í morgun. En svosem ekki við öðru að búast úr því horni.