Heilindi

Ég er sannfærður um að þörf er á nýju siðferði í íslensk stjórnmál sem og viðskiptalíf og almennt í þjóðfélaginu. Ég vil gera orð Davíðs Stefánssonar frambjóðanda í forvali Vg í Reykjavík að mínum. Hann veitti mér góðfúslegt leyfi til að birta þessa yfirlýsingu hér.

Ég kem hreint og beint fram og hef þá einföldu trú að kærleikur, mannvirðing og heiðarleiki borgi sig á öllum sviðum lífsins – líka í stjórnmálum.

 

Ég mun ávallt kjósa samkvæmt eigin sannfæringu í öllum málum og styðja frumvörp annarra stjórnmálaflokka ef þau samræmast minni sannfæringu.

Ég mun meta aðra stjórnmálamenn eftir orðum þeirra og gjörðum, hvorki eftir flokksskírteini þeirra né stefnu þess flokks sem þeir tilheyra.

Ég mun, hvorki í kosningabaráttu innan flokksins né í kosningabaráttu við aðra flokka, beita óvönduðum meðulum.

Ég mun svara beinum spurningum sem ég get svarað og ekki reyna að tala mig í gegnum spurningar sem ég get ekki svarað.

Ég mun axla ábyrgð á eigin gjörðum.

 

Athugasemdir

[Ingólfur Ásgeir Jóhannesson, 19.2.2009 kl. 12:00]

Stuðningskveðjur - það er ekki þess virði að taka þátt í pólítík án viðhorfs af þessum toga.

[Magnús Geir Guðmundsson, 19.2.2009 kl. 22:24]

Og svo mælti hver Hlynur minn? Svo margir að bjóða sig fram.

[Sigurður Hrellir, 19.2.2009 kl. 23:48]

Davíð er minn maður - ég vona að orð hans verði fleiri frambjóðendum umhugsunarefni.

[Hlynur Hallsson, 20.2.2009 kl. 01:35]

Davíð Stefánsson mælir hér Magnús. Tengill á síðuna hans er hérna.

Það er rétt Ingólfur, þetta er eitthvað sem allir ættu að fara eftir.

Bestu kveðjur,