Réttlæti taki við af græðgi og spillingu

Loksins, loksins! Eftir 18 ára græðgivæðingu Sjálfstæðisflokksins með tilheyrandi spillingu, einkavinavæðingu og rugli er kominn tími á réttlæti. Vinstri græn ásamt Samfylkingu hafa tekið við og eru að þrífa skítinn eftir frjálshyggjusukkið.

"Flokkurinn brást ekki, það var fólkið" segja forystumenn þessa flokks. Bjarni Ben, Geir H. Haarde og Þorgerður Katrín voru öll í þessu og það er komið nóg. Vonandi man fólk eftir öllu sukkinu, lygunum og blekkingunum þegar það kemur í kjörklefann. Hver og einn hefur eitt atkvæði og það er vonandi enginn sem horfir yfir öxlina á okkur þegar við fáum að kjósa velferð og uppbyggingu í stað græðgi og spillingar.

Gæti orðið mesta vinstri sveifla sem sést hefur hér

Athugasemdir

[Magnús V. Skúlason, 4.3.2009 kl. 11:38]

Óháð því hvaða skoðun ég eða þú hefur á hlutunum þá mæli ég með því að þú kíkir út í búð og kaupir þér sápu . . . . til að þvo kjaftinn á þér.

[Hlynur Hallsson, 4.3.2009 kl. 12:45]

Ég held að sápan ætti heldur að fara í að þrífa skítinn eftir frjálshyggjuna. Að þvo munna með sápu held ég að sé ekki líklegt til árangurs. Ég veit svo sem ekki hvaða uppeldisaðferðum þú varst beittur Magnús en ég vona að þú hafir ekki þurft að bíta í sápu.

Það er ekkert í þessum pistli sem gefur tilefni til þess að þvo. Ég er ekki vanur að skafa utan af hlutunum og vona að þú þolir það.

Bestu kveðjur,

[Finnur Bárðarson, 4.3.2009 kl. 16:58]

Vítissóti myndi ekki einu sinni duga á frjálshyggjuna

[Birgir Þór Bragason, 4.3.2009 kl. 21:53]

1-3 ?? Er það ekki í besta falli brabdari í dag? - Það er gott fyrir þig og þína að félagar þínir í flokknum sáu í gegnum orðagljáfrið þitt.

[Hlynur Hallsson, 4.3.2009 kl. 22:46]

Takk fyrir fögur orð í minn garð Birgir. Ég bið þig vel að lifa:)

[Húnbogi Valsson (IP-tala skráð) 5.3.2009 kl. 00:32]

Ágætis tilvitnun að tala um að þvo munninn með sápu. Því það var gert áður fyrr við börn frumbyggja í Bandaríkjunum, sem voru send í heimavistarskóla. Ef þeim varð á að segja eitthvað á sínu móðurmáli, í stað ensku, þá var þeim refsað með því að þvo munninn þeirra, að innan, með sápu. Það er kannski sami hugsunarhátturinn hjá Magnúsi V.

Annars er það mest áberandi að þeir sem standa með frjálshyggjunni eru varla með annað svar en ómálefnalegt skítkast í gagnrýnendur