Við þurfum nýtt fólk með ferskar og góðar hugmyndir

Það hljómar ef til vill eins og brandari að flokkurinn sem ber ábyrgð á efnahagshruninu en axlar enga ábyrgð skuli mælast aftur "stærsti" flokkurinn í könnunum. Ránfuglinn sem brotlenti er að hefja sig aftur til flugs eða hvað?

Sem betur fer lítur allt út fyrir að Vinstri græn nái meirihluta ásamt Samfylkingu og fái þar með að halda áfram tiltektinni eftir frjálshyggjusukk síðustu ára. Það hlýtur að vera takmark allra jafnréttissinna að halda Sjálfstæðisflokknum í stjórnarandstöðu áfram þar á flokkurinn heima næstu áratugina.

Vinstri græn hafa mikið fylgi meðal ungs fólks. 41% aðspurðra undir 30 árum ætla að merkja X við V þann 25. apríl. En þá þurfum við líka að sýna þessu fólki að við treystum þeim og að við hlustum á skoðanir þeirra og hugmyndir. Og við þurfum fulltrúa þessarar kynslóðar á Alþingi og ofarlega á alla lista.

Úrslit fyrsta forvals Vg á landinu eru vonbrigði í þessu ljósi. En það þýðir ekki að gráta Björn bónda heldur safna liði og nú um helgina fara fram forvöl í Reykjavík og Norðvesturkjördæmi. Af 22 einstaklingum sem gefa kost á sér í forvali Vg í NV eru sjö yngri en 30 ára og á aldrinum 30-40 ára er mjög frambærilegt fólk. Ég skora á alla félaga mína í NV-kjördæmi að gefa þessu fólki brautagengi. Við þurfum nýtt fólk með nýjar, ferskar og skapandi hugmyndir. Fremstur meðal jafningja er góður drengur sem heitir Grímur Atlason. Hann vildi ég sjá fara fyrir lista breytinga í átt til jafnréttis, friðarstefnu og frjórra hugmynda. Grím Atlason í 1. sætið í Norðvesturkjördæmi og ungt fólk á lista!

Sjálfstæðisflokkur með mest fylgi

Athugasemdir

[Hermann Einarsson (IP-tala skráð) 6.3.2009 kl. 11:41]

Hlynur ykkur VG tókst nú ekki vel upp í NA kjördæmi  með að koma inn nýju og fersku fólki, má ekki segja að það sé íhaldssemi í röðum VG í NA??

Þið eruð að bjóða fram fólk sem er búið vera á Alþingi að margra mati of lengi engin endurnýjun þetta eru döpur skilaboð sem VG sendir..

[Rauða Ljónið, 6.3.2009 kl. 12:40]

Sæll,. Hlynur ég var nú búinn að spá þér 2 til 3 sæti en leikar fóru á annan veg, baráttu maður eins og þú áttir skilið hærra sæti, en þó svo að við höfum verið ósammála þá verð ég að segja að mér þykir það leitt hefði vilja sjá þig inni og að þú hafiir ekki verið metinn að verðleikum í prókjörunu, óska þér og þínum hins besta og halltu áfram á fyrri braut.

Kv, Sigurjón Vigfússon

[Gunnar Sigurðsson (IP-tala skráð) 6.3.2009 kl. 13:13]

Mikið tek ég undir með þér Hlynur. Ég skil ekki afhverju flokkurinn nýti sér ekki kröfur um endurnýjum og sæki fram...sæki fram með samblandi af öflugum núverandi þingmönnum og frjórri flóru frábærra frambjóðenda. Þingmenn okkar gáfu svo sannarlega tóninn með því að krefjast aftur sömu sæta. Það finnst mér langt í frá að vera góðir forystuhæfileikar. Langt í frá. 

[Magnús Geir Guðmundsson, 6.3.2009 kl. 15:56]

Mig rekur nú reyndar minni til að Grímur náði ekki árangri sem skildi í forvali hjá VG fyrir sl. borgarstjórnarkosningar, þannig að hann réðst til Bolungarvíkur sem bæjarstjóri sem frægt varð!yrði mjög sterkt held ég fyrir ykkur ef hann myndi leiða og að Liljan indæla tæki forystu í sínu kjördæmi!

[Hlynur Hallsson, 6.3.2009 kl. 23:25]

Takk fyrir góðar kveðjur Magnús, Gunnar, Sigurjón og Hermann.

Sérstaklega finnst mér nú vænt um þessi hlýju orð frá þér Sigurjón því við höfum jú tekið nokkrar rispur hérna á blogginu og ekki alltaf verið sammála t.d. í sambandi við álver:)

Bestu kveðjur,