Vá og heilar 6.500 krónur árið 2010

Er ekki allt í lagi? Á að hafa fólk að fíflum? Erum við að tala um 18.000 kall strax og .... Alex Björn bloggfélagi minn bendir á að þessar 18 þús. eru í raun 11.570 kall eftir skattinn. Er það allt sem launafólk á skilið í þessu þjóðfélagi? Hvað fær Villi Egils mikla launahækkun? Líka 18.000 kall? Eða kannski 180.000 ofan á milljónina sem hann er með núna, eða eru þær orðnar tvær? Og svo vill Villi líka banna öðrum láglaunastéttum hjá ríkinu, ómenntuðu starfsfólki leikskóla, sem og leikskólakennurum, hjúkrunarfólki og öllum að hækka launin meira en hann semur um. Ég endurtek: Hann vill banna öðrum um að semja um meira en hann ætlar að skammta sínum viðsemjendum. Það er rétt hjá Ögmundi að þetta heitir forræðishyggja og frekja á íslensku, sem formaður Samtaka iðnaðarins sýnir af sér. Alltaf sama sagan með þetta íhaldslið, arðrænir fólk og ætlar svo að skammta úr hnefa.

Það eina jákvæða er að menn eru loksins að tala um krónutöluhækkun en ekki prósentuhækkun. Hvernig væri að sættast á 50.000 kall strax og 20.000 kall 2009 og svo sjáum við bara til hvernig gengur með 2010. Ef auðvaldið heldur áfram að skammta sér ofurlaun áfram þá er líka hægt að borga venjulegu fólki 50.000 í viðbót við sín allt-of-lágu laun.

(myndin er fengin að láni frá síðunni hans Ögmundar) 

Taxtar hækka um 18 þúsund

Stýrivexti óbreyttir - Davíð Oddson "kastar blautri tusku" í Villa!

Hávaxtastefnan heldur áfram. Ætli furðuleg hótun Vilhjálms Egilssonar frá því í gær hafi farið illa í flokksbróður hans í Seðlabankanum? Það hefði nú verið hægt að sýna smá lit og lækka vextina um 0,25%. Þá hefði Villi ekki þurft að fá blauta bekkjartusku í andlitið sitt.

Óbreyttir stýrivextir

Samsærismenn morðingja dregnir fram viku fyrir kosningar!

Það er eitt og annað grunsamlegt við þessa handtöku og meintar játningar knúnar fram af lögreglu forseta Pakistans. Tímasetningin kemur Músharaf sérstaklega vel, aðeins um vika til kosninga í landinu! Ég hef því miður ekki óbilandi traust á lögreglunni í Pakistan og lái það mér hver sem vill. Þessi ástæða fyrir fjöldamorðinu kemur pakistönskum stjórnvöldum einnig einstaklega vel en er ekki sérlega trúverðug: "Lögreglan sagði mennina ennfremur hafa látið tilræðismanninum, sem nefndur var Bilal, í té jakka hlaðinn sprengiefni og byssu. Mun hann hafa viljað hefna náins vinar síns sem féll í atlögu hersins á Rauðu moskuna í Islamabad í fyrra."

Ég ætla bar að raunverulegir morðingjar Benazir Bhutto finnist þú að það séu ekki miklar líkur á því að sannleikurinn komi nokkurn tíma í ljós. Og vona einnig að flokkur hennar sigri kosningarnar og Músharaf og herinn hans hrökklist frá völdum án mikilla blóðsúthellinga. Það er allt í lagi að vona og vera bjartsýnn, ekki veitir af fyrir pakistönsku þjóðina. Og vona um leið að BNA stjórn hætti að vera með krumlurnar í þessum heimshluta gerandi illt verra. Á sama tíma fagnar Bandaríkjastjórn því að gamall mannræningi hafi verið myrtur án dóms og laga. 

Játa aðild að morðinu á Bhutto

Rugl í álliðinu

Hvaða della er að taka skóflustungu að einhverri álbræðslu sem aldrei á að rísa? Er ekki orðið löngu ljóst að það er hægt að selja orkuna til fyrirtækja sem skapa meiri arð, fleiri störf og menga mun minna? Ætti bæjarstjórinn í Reykjanesbæ ekki að fara frekar að rukka fyrir húsin sem hann "seldi" vinum sínum á Vellinum í staðinn fyrir að grafa holur?

Svör:

1. Íhaldsdella

2. Jú

3. Nákvæmlega

Framkvæmdir við álver í Helguvík að hefjast

Stórfurðuleg samlíking hjá Bandaríkjastjórn

Samlíkingin: Nürnbergréttarhöldin og réttarhöldin vegna hryðjuverkanna 11. september er meira en lítið einkennileg. Árásin á Tvíburaturnana er þannig óbeint sett á sama stað og helför nasista gegn gyðingum og öllum andstæðingum nasista, þar sem sex milljónir voru drepnar á viðbjóðslegan hátt.

Í plagginu sem sent var til bandarískra sendiráða segir, að dauðarefsing fyrir gróf brot á lögum um hernað sé viðurkennd á alþjóðavettvangi.

Þetta er bull frá Pentagon sem dugar ef til vill í Fox fréttum í BNA en allir aðrir vita að er lygi.

Þó er umfangi þessara glæpa ekki líkt saman, en öll tvímæli tekin af um að Bandaríkjastjórn líti á Nürnbergréttarhöldin sem sögulegt fordæmi fyrir því að krefjast dauðadóms fyrir Guantanamoföngunum.!

Bandaríkjastjórn með sitt Pentagon og CIA upplýsir sig enn og aftur sem óhugnanlega hræsnara og glæpamenn. Réttast væri að draga George Bush fyrir stríðsglæpadómstólinn í Haag. Þar sleppur hann þó við dauðarefsingu.

Pentagon viðurkennir að beita pyntingum til að ná fram játningu í Guantanomo. Þessi sýndarréttarhöld sem nú eiga að fara fram yfir sex mönnum sem ef til vill voru eitthvað viðrinir árásirnar á tvíburaturnana eru út í hött. Hefndarþorsta Haukanna í BNA eru engin takmörk sett og þeir beita öllum aðferðum, glæpum, lygum, blekkingum og pyntingum.

Bandaríkjastjórn í hefndarhug svertir minningu fólksins sem lét lífið þann 11. september 2001 og einnig minningu sex milljóna gyðinga, homma, vinstrisinna og allra sem voru drepnir á valdatíma nasista. 

Nürnbergréttarhöldin voru stórgölluð og þessi svokölluðu "réttarhöld" yfir föngunum í Guantanamo eru enn verri. Þar gæti ef til vill samlíkingin átt við.

Meira á AmnestyUSA.org 

Líkt við Nürnbergréttarhöldin

Kjötfarsi í Valhöll

Dario Fo hefði getað verið stoltur handritshöfundur að farsanum sem sýndur var í Valhöll í dag. Fló á skinni hér fyrir norðan hefði getað óttast samkeppni en sennilega verður farsinn í Valhöll bara sýndur einu sinni. Gísli Marteinn og Hanna Birna komust undan í gegnum kjallarann á Valhöllinni. Hinir hlupu fram hjá fréttamönnum og skelltu hurðum. Villi vinalausi sat einn eftir með tvo auða stóla sér til hægri- og vinstrihandar og var frekar vandræðalegur. Er búinn að axla ábyrgð með því að hrökklast frá völdum því Björn Ingi vildi ekki lengur vera memm. (Það heitir semsagt að "axlaábyrgð"). Búinn að að axla málið og yppir öxlum. Fundurinn átti að vera í Ráðhúsinu en það var skipt um leiksvið til að plata áhorfendur strax í upphafi. Blaðamannafundurinn átti að vera klukkan eitt en kjötfarsið var svo seigt að það þurfti að fresta öllu til klukkan 14:20 (þegar þau síðustu voru flúinn út um neyðarútganginn í kjallaranum, í kjallaranum...)

Svo átti bara að hleypa einum og einum eða sérvöldum fréttamönnum inn í einu. Smá stimpingar við starfsmenn Sjálfstæðisflokksins og svo fengu allir sem voru í beinni að fara inn í einu. Blaðamennirnir biðu fram á gangi á meðan. Og svo var engin frétt, bara gamlar endurteknar fréttir.

Geir H. Haarde er ekki viss um að hann styðji Villa eftir nokkra mánuði, ætlar bara að sjá til. Enginn sexmenninganna sá sér fært að mæta í Kastljósið um kvöldið og ekki heldur Villi (þarf að ráðfæra sig við sitt fólk).

Þetta er farsi sem tekur öllu öðru fram. Samt sorglegt að þetta er raunveruleikinn en ekki farsi eftir Dario Fo. Þetta er kjötfarsi.

Vilhjálmur: Hef axlað ábyrgð

Sjálfstæðisflokkurinn rjúkandi rúst

Það er einkennilegt hvað Flokkurinn ætlar að draga á langinn skrípaleikinn í Borginni. Það stendur ekki steinn yfir steini lengur. Villi ætlar greinilega ekki að segja af sér, hann hefur að eigin mati ekkert á samviskunni, ekkert. Og sexmenningarnir styðja hann "á meðan hann er oddviti". Það er bullandi valdabarátta innan Sjálfstæðisflokksins og hann logar nú stafnanna á milli. Sökkvandi skip.

Það var vandræðalegt að horfa uppá Pétur Blöndal í Silfri Egils í dag. Dagur og Svandís voru hinsvegar afdráttarlaus og ætla að vinna saman og ekki hoppa uppí með óstjórntækum Flokki. Maður vorkennir næstum Geir H. Haarde að standa í þessu, eða "lenda í þessu" eins og hann gæti auðvitað orðað það.

Auðun Gíslason fer ýtarlega yfir þessi mál á blogginu sínu og hörðum sjálfstæðismönnum eins og Stefáni Fr. er ekki heldur sama.

Pólitísk staða Vilhjálms rædd

Til hamingju Röskva

Það mátti vart tæpara standa! En Röskva, Samtök félagshyggjufólks við Háskóla Íslands vann Vöku með 5 atkvæða mun. Til hamingju með það nemendur HÍ! Þetta sannar hið fornkveðna að hvert atkvæði skiptir máli.

Röskva sigraði naumlega

Occupation 101 sýnd í kvöld

Það er áhugaverð heimildarmynd sýnd í Alþjóðahúsinu í kvöld klukkan 20. Í texta um þessa margverðlaunuðu mynd segir:

" Occupation 101 kemur fram með greiningu á staðreyndum og leyndarmálum sem eru umvafin hinni langvinnu deilu um Ísrael og Palestínu. Myndin lýsir líka lífi fólks undir hersetu Ísraels, hlutverki Bandaríkjanna í baráttunni og stærstu hindrununum sem standa í vegi fyrir langvarandi friði. Rætur átakana eru útskýrðar út frá sjónarmiði friðarsinna, fréttamanna, trúarleiðtoga og fræðimanna í málefnum miðausturlanda og mannúðarmála."

Occupation 101 (90 min)
Þriðjudagurinn 5. Febrúar, klukkan 20:00
Alþjóðhúsið, Café Cultura, Hverfisgata 18
Aðgangur ókeypis! - Allir velkomnir!

Félagið Íslands-Palestína mun í vetur standa fyrir sýningum á  athyglisverðum heimildar- og bíómyndum  er hafa  með málefni Palestínu og Ísraels að gera. Sýningarnar verða fyrsta þriðjudag hvers mánaðar í Alþjóðahúsinu og er það hin margverðlauna heimildarmynd Occupation 101 sem er fyrst í sýningarröðinni.

Hér eru meiri upplýsingar um myndina: http://www.occupation101.org

Landamæri Gasasvæðisins opnuð