Ekki skerða almannaþjónustuna

Niðurstöðurnar úr könnun Háskóla Íslands blása í mann baráttuhug og enn og aftur sýnir fólkið í landinu okkur að ráðamenn þessarar þjóðar eru á villigötum. Við viljum ekki skerta almannaþjónustu og fólk er búið að fá nóg af þessari einkavæðingu og komugjöldum og öllu bullinu. Þessar niðurstöður stinga uppí frjálshyggjuplebbana sem er alveg sama um velferðarkerfið en vilja bara skattalækkanir fyrir hina ríku. Við viljum greiða sanngjarnan skatt fyrir öfluga almannaþjónustu sem nýtist fólki. Ekki skerða almannaþjónustuna. Svona er fréttin af ruv.is:

"Skattalækkun skerði ekki þjónustu

Ríflega 70% landsmanna vilja ekki skattalækkanir verði það til þess að draga úr opinberri þjónustu. Þetta kemur fram í nýrri rannsókn sem fræðimenn við Háskóla Íslands vinna að. Þá hefur aldrei verið meiri munur á kosningahegðun kynjanna en í alþingiskosningunum í vor.

Fræðimenn við Háskóla Íslands vinna nú að íslensku kosningarannsókninni en það er spurningakönnunum sem lögð var fyrir kjósendur eftir alþingiskosningarnar í vor. Einar Mar Þórðarson stjórnmálafræðingur greindi frá því í þættinum Í vikulokin á Rás eitt í dag að aldrei hefði verið meiri munur á kosningahegðun karla og kvenna en í vor."

Við Vinstri græn gengum meðfram Þjórsá og komumst enn og aftur að því að það verður að stoppa Landsvirkjun í hernaðinum gegn landinu og fólkinu sem býr í nágrenni þeirra staða sem þeir ásælast. Græðgin í forsvarsmönnum Landvirkjunar er óhugnanleg og hana verður að stöðva. Maður dáist að fólkinu í sveitinni sem síðustu ár af veikum mætti en ótrúlegum dugnaði hefur barist fyrir landið og gegn ásókn Landsvirkjunar með alla peningamaskínuna á bak við sig. Við verðum að styðja þetta fólk og koma í veg fyrir frekari slys. Við verðum að bjarga Þjórsá! Hér eru tvær myndir frá Landsvirkjun af fyrirhuguðum lónum þeirra sem munu færa á kaf gróið land og fallega hólma. Ég bendi einnig á vefinn Þjórsá.com ég dáist að þessu fólki sem á við ofurefli að etja en gefst ekki upp. Takk fyrir að sýna okkur þetta frábæra land og fyrir að standa vörð um verndun þess. 

Vilja ekki skattalækkanir ef það skerðir þjónustu

Stefán Jónsson opnar sýninguna "Skuggar og svipir" á Café Karólínu laugardaginn 1. september, 2007, klukkan 14

Stefán Jónsson

Skuggar og svipir

01.09.07-05.10.07   

Velkomin á opnun laugardaginn 1. september, 2007, klukkan 14

Café Karólína // www.karolina.is
Kaupvangsstræti 23 // IS 600 Akureyri // 4612755

Laugardaginn 1. september, 2007, klukkan 14 opnar Stefán Jónsson sýninguna "Skuggar og svipir" á Café Karólínu.

Sýningin heitir Skuggar og svipir. 24 svart hvítar ljósmyndir 20 x 20 cm hver og 6 ljósmyndir í lit 33 x 45 cm hver. Myndefnið er í öllum tilfellum höfundurinn sjálfur.

Stefán Jónsson er fæddur á Akureyri 1964 og stundaði myndlistarnám í Myndlista- og handíðaskóla Íslands og í School of Visual Arts í New York. Hann hefur sett upp fjölda sýninga víðsvegar um heim, nú síðast í Safni í Reykjavík og í Jónas Viðar gallery á Akureyri.

Nánari upplýsingar veitir Stefán í netfangi melman(hjá)simnet.is og í síma 8645448

Meðfylgjandi mynd er af einu verka Stefáns sem hann sýnir á Café Karólínu.

Stefán verður viðstaddur opnunina. Sýningin á Café Karólínu stendur til 5. október, 2007. Allir eru velkomnir á opnun laugardaginn 1. september, klukkan 14.

Á sama tíma stendur yfir sýning Brynhildar Kristinsdóttur á Karólínu Restaurant.

Til föstudagsins 31. ágúst er enn tækifæri til að sjá sýningu Dagrúnar Matthíasdóttur "Súpur" á Café Karólínu.

Næstu sýningar á Café Karólínu:

06.10.07-02.11.07        Marsibil G. Kristjánsdóttir
03.11.07-30.11.07        Birgir Sigurðsson
01.12.07-04.01.08        Steinunn Helga Sigurðardóttir
05.01.08-02.02.08        Guðrún Vaka
03.02.08-02.03.08        Steinn Kristjánsson
03.03.08-04.04.08        Unnur Óttarsdóttir
05.04.08-02.05.08        Guðmundur R Lúðvíksson
03.05.08-06.06.08        Kjartan Sigtryggsson

Umsjónarmaður sýninganna er Hlynur Hallsson

Jónas Hallgrímsson 200 ára

Í tilefni af 200 ára fæðingarafmæli Jónasar Hallgrímssonar verður opnuð samsýning 21 myndlistarmanns í Ketilhúsinu í Listagilinu á Akureyri laugardaginn 25. ágúst kl. 14.00. Ber hún yfirskriftina "Skyldi' ég vera þetta sjálfur".
Jónas er kveikjan að öllum verkum sýningarinnar og verður fjölbreytt flóra myndlistarmanna sem eiga við hann samtal.
Sýningarstjóri er Þórarinn Blöndal.   
Sýninginn mun standa  framyfir afhendingu Sjónlistarverðlaunanna 2007 sem fram fer á Akureyri 21. til 23. september.
Sýningin verður opin alla daga nema mánudaga frá kl. 13:00 og 17.00
    
Eftirtaldir listamenn munu taka þátt í sýningunni:

Aðalheiður S. Eysteinsdóttir
Arna Valsdóttir
Áslaug Thorlacius
Birgir Snæbjörn Birgisson
Finnur Arnar
Hanna Hlíf Bjarnadóttir
Helgi Þórsson
Hlynur Hallsson
Hulda Hákonardóttir
Ilmur Stefánsdóttir
Jón Garðar Henrysson
Jón Laxdal
Jón Sæmundur Auðarson
Jóna Hlíf Halldórsdóttir
Jónas Viðar
Joris Rademaker
Megas
Margrét Blöndal
Pálína Guðmundsdóttir
Ragnar Kjartansson
Þorvaldur Þorsteinsson

Menningarmiðstöðin Listagili
Akureyri Cultural Center
Sími/Tel: [phone]
[e-mail]
www.akureyri.is
http://listasumar.blog.is

Vonandi verða Kanadamenn vingjarnlegir

Ég er mjög hrifinn af vináttuleikjum og er viss um að Kanadamenn fari ekki illa með okkur. Þó að íslenska karlalandsliðið í fótbolta sé í sæti númer hundrað og eitthvað með Súdan og hafi aldrei verið neðar. Þetta er jú vináttuleikur. Hallur Gunnarsson frændi minn og Andrea Hjálmsdóttir voru að flytja til Kanada ásamt Fönn og Dögun og þau eru með ansi flott lén nefnilega kanada.is. Þau eru dugnaðarforkar og strax farin að mótmæla stríðsbrölti í Vancouver sé ég á síðunni þeirra. Ég spái því að leikurinn fari eitt - eitt.

Stolt og barátta eru aðalatriðin gegn Kanada

Frábær umfjöllun um Ísland í GeoSaison

Flott hestamynd á forsíðunni á GeoSaison og skemmtilegt að athyglinni skuli beint að Vestfjörðunum sem hingað til hafa ekki verið hluti af aðal ferðamannaleiðinni. En vonandi er það að breytast og þjóðverjar munu flykkjast til Vestfjarða eftir þessa ítarlegu umfjöllun í GeoSaison. Ósnortin náttúra Vestfjarða á eftir að margfaldast í verðmæti í framtíðinni og vonandi verður ekki allt eyðilagt með risaolíuhreinsistöð. Hér er er fréttin af mbl.is:

Mikil umfjöllun er um Ísland í ágústhefti þýska ferðatímaritsins GeoSaison. Auk þess að prýða forsíðu blaðsins þekur umfjöllunin alls 30 blaðsíður í tímaritinu og er ljósmyndum af íslenskri náttúru gert hátt undir höfði.

Arthúr Björgvin Bollason, sem sér um kynningarmál fyrir Icelandair í Mið-Evrópu, segir að þótt greinar um Ísland séu algengar í ferðatímaritum sé mjög óvenjulegt að sjá svona stóra og ítarlega umfjöllun um landið eins og birt er í GeoSaison. "Við erum mjög ánægð með þetta. "Þetta er mjög öflugur miðill," segir hann.

GeoSaison er vel þekkt tímarit um ferðamál og selst í á annað hundrað þúsunda eintökum. Leikur enginn vafi á að umfjöllunin mun vekja mikla athygli, skv. upplýsingum Arthúrs Björgvins. "Það er óhætt að segja að Geosaison sé öflugasta tímaritið á þessu sviði. Það hafa stöku sinnum komið greinar um Ísland á undanförnum árum en aldrei neitt í líkingu við þetta."

Sérhæft miðlunarfyrirtæki sem leggur verðmat á auglýsingagildi greina af þessu tagi hefur metið umfjöllunina um Ísland í GeoSaison á um 450 þúsund evrur eða sem svarar til rúmlega 40 milljóna íslenskra króna."

Þrjátíu blaðsíðna umfjöllun um Ísland birt í víðlesnu þýsku ferðatímariti

Fljúgandi morðtól - mótmælum þeim í dag

Í dag klukkan 17 efna samtök hernaðarandstæðinga til mótmæla gegn þessum gagnslausu og kostnaðarsömu heræfingum sem nú standa yfir. Allir heimsins herir munu aldrei geta komið í veg fyrir hryðjuverk en þetta hernaðarbrölt stuðlar hinsvegar að hryðjuverkum. Ég hvet alla til að taka þátt í mótmælunum í dag sem má lesa meira um á friðarvefnum og hér er tilkynning um mótmælin í dag:

Safnast verður saman við norska sendiráðið (við Fjólugötu), þriðjudaginn 14. ágúst kl. 17. Þaðan verður gengið að sendiráðum Bandaríkjanna, Danmerkur og loks numið staðar við Stjórnarráðið og húsráðendum á hverjum stað tjáð andstaða íslenskra friðarsinna. Hernaðarandstæðingar eru hvattir til að mæta og mótmæla heræfingunum.

Æfingar af þessum toga eru ekki aðeins aðferð herveldanna til að þjálfa herlið sitt heldur einnig til að staðfesta áhrifasvæði sitt og berast á gagnvart raunverulegum og ímynduðum andstæðingum. Þeim fylgir mengun, ónæði og hætta. Þær eru skaðlegar hagsmunum Íslands og íslensku þjóðarinnar.

Sami Bandaríkjaher og er blóðugur upp fyrir axlir í Írak þjálfar hermenn sína á Íslandi.

Sömu NATO-herir og æfa sig í lofthernaði yfir Íslandi bera ábyrgð á stórfelldu mannfalli meðal óbreyttra borgara í Afganistan – ekki sist með lofthernaði.

NATO á að heita varnarbandalag en hefur aldrei háð varnarstríð. Þvert á móti verður ekki betur séð en að það sérhæfi sig í árásarstríðum.

Milljónatugum af íslensku almannafé er varið til að borga undir erlenda heri á Íslandi.

Síðustu ár hafa íslensk stjórnvöld stigið æ fleiri skref í átt til aukinna hernaðarafskipta á vegum Íslands. Nú þegar ekki er lengur fastaher á Íslandi róa ráðamenn að því öllum árum að hér séu sem tíðastar og mestar heræfingar.

Utanríkisráðherra segir að Ísland sé herlaust land. Samt samþykkir hún að hér komi orrustuþotur fjórum sinnum á ári. Hún segir að Ísland sé utan stórra valdablokka. Samt samþykkir hún veru Íslands í NATO.

ÍSLAND ÚR NATÓ - ENGAN HER!

Loftvarnir og aðgerðir gegn hryðjuverkum æfðar á Norðurvíkingnum

Aldrei aftur Hírósíma , aldrei aftur Nagasakí

Ég hvet alla til að fjölmenna í kvöld klukkan 22:30 við Tjörnina í Reykjavík og hér á Akureyri við tjörnina við Minjasafnsafnið og minnast fórnarlamba kjarnorkusprengja bandaríkjamanna. Á friðarvefnum er nánar sagt frá þessum árlega viðburði.

Kjarnorkuárásarinnar á Nagasaki minnst

Dagrún Matthíasdóttir opnar sýninguna "Súpur" á Café Karólínu laugardaginn 4. ágúst, 2007, klukkan 14

Dagrún Matthíasdóttir

Súpur

04.08.07-31.08.07   

Velkomin á opnun laugardaginn 4. ágúst 2007, klukkan 14

Café Karólína // www.karolina.is
Kaupvangsstræti 23 // IS 600 Akureyri // 4612755
---
Laugardaginn 4. ágúst  klukkan 14 opnar Dagrún Matthíasdóttir sýninguna "Súpur" á Café Karólínu.

Á sýningunni verða málverk og myndband. Dagrún segir um sýninguna: ,"Mín fyrstu kynni af kaffi Karólínu voru súpurnar góðu í hádeginu fyrsta árið mitt í Myndlistaskólanum. Minningin um súpu sem aðalmáltíð dagsins varð til þess að ég ákvað að mála súpur í tilefni minnar fyrstu sýningu á Café Karólínu."

Dagrún er ísfirðingur og er búsett á Akureyri. Hún lauk stúdentsprófi frá Fjölbrautarskólanum í Breiðholti af myndlista og handíðabraut og útskrifuð frá Myndlistaskólanum á Akureyri vorið 2006. Í dag stundar hún nám í nútímafræði við Háskólann á Akureyri.

Nánari upplýsingar veitir Dagrún í netfangi dagrunm(hjá)snerpa.is

Meðfylgjandi mynd er af einu verka Dagrúnar sem hún sýnir á Café Karólínu.

Dagrún verður viðstödd opnunina. Sýningin á Café Karólínu stendur til 31. ágúst 2007. Allir eru velkomnir á opnun laugardaginn 4. ágúst 2007, klukkan 14.

Á sama tíma opnar Brynhildur Kristinsdóttir sýningu á Karólínu Restaurant, fréttatilkynningu um þá sýningu verður birt morgun.

Næstu sýningar á Café Karólínu:

01.09.07-05.10.07        Stefán Jónsson
06.10.07-02.11.07        Marsibil G. Kristjánsdóttir
03.11.07-30.11.07        Birgir Sigurðsson
01.12.07-04.01.08        Steinunn Helga Sigurðardóttir
05.01.08-02.02.08        Guðrún Vaka

Tvinbíll frá Toyota og gasbílar frá Fiat minnst skaðlegir umhverfinu

Það er ef til vill einkennilegt að að tala um "græna bíla" eða "umhverfisvæna bíla" en gott hjá Svisslendingum og mbl.is að benda á lista yfir þá bíla sem hafa minnst umhverfisáhrif í akstri. 6000 bílar eru teknir fyrir og niðurstaðan er sú að tvinnbíllinn (gengur fyrir bensíni og rafmagni) Toyota Prius er sá minnst skaðlegi umhverfinu. Fast á hæla honum koma bílar sem knúnir eru gasi frá Fiat, Fiat Panda og Fiat Punto. Skásti díselbíllinn er VW Polo en hann lendir í 12. sæti. Á svarta listanum eru svo bílar sem íslendingar kannast vel við: Nissan Patrol, Ford Transit og fleiri díselhákar. Nú geta þeir sem neyðast til að aka um á bíl allavega valið skárri bíla en þassa jeppa sem ekkert gera annað en að taka of mikð pláss og menga allt of mikið. Góð auglýsing fyrir Toyota Prius og ætti að vera öðrum bílaframleiðendum hvatnig til að gera enn betur.

Greinin í Neue Züricher Zeitung 

Hér er svo tengill í töflu yfir skástu bílana og þá verstu.

Prius grænasti bíllinn á lista Svisslendinga

Rúmlega 17 þúsund Akureyringar

Það er afar ánægjulegt að Akureyringar skuli loksins vera orðnir 17.000. Ég var síðast í gær að segja nokkrum þjóðverjum frá því að það byggju 16 þúsund manns á Akureyri en samt væri þar háskóli, listasafn og myndlistarskóli en færri veitingastaðir og við litla torgið hér í Austurhluta Berlínar sem við sátum á. Nú er semsagt hægt að uppfæra þessar upplýsingar. En hvað eru Íslendingar orðnir margir? Ég segi venjulega bara rúmlega 300.000. Þegar ég var að vinna í íslenska skálanum á EXPO 2000 í Hannover sagði maður alltaf 280.000 sem var ekki fjarri lagi en nú erum við sennilega orðin 215.000 eða hvað? Til hamingju Gabríel Óskar Dziubinski og til hamningu Ivona Dziubinska eð litla bróður og til hamingju Krzysztof Dziubinski og Beatu Mieczyslawa Dziubinska með drenginn fína.

Svo er bara að vona að Akureyri verði barnvænni bær í framtíðinni og að Gabríel geti valið úr frábærum leikvöllum til að leika á en þar stenst Akureyri því miður engan samanburð. Og þegar hann og stóra systir fara að hjóla að þá verði komnir hjólastígar við allar götur og milli hverfa og að það verði ekki hættulegt að hjóla eins og nú er. Flott hjá Sigrúnu Björk bæjarstjóra að afhenda fjölskyldunni glæsilegan blómvönd og bókina „Barnið okkar“. Það er gott að koma aftur til bæjar þar sem fjölbreitt og gott fólk býr og gleðilegt að við séum orðin rúmlega 17 þúsund.

Hér eru umfjallanir staðarmiðlanna um 17.000 Akureyringinn:

Akureyri.net

Vikudagur.is 

N4.is 

Dagur.net

Akureyri.is 

Akureyringar orðnir ríflega 17.000